Assit takukkit: ”Miniklubbi” ammaanersiorneqarpoq

Tallimanngormat 17. november meerarpassuit peqatigalugit, Atuarfik Hans Lyngemi atuareernerup kingorna ornittagaq ”Miniklubbi”, borgmesterip Asii Chemnitz Narupip atoqqaartippaa.

Nuuk: Atuartut amerleriarsimanerata atuareernerup kingorna ornittagaagallartussamik Atuarfik Hans Lyngemi ammaanissaq pisariaqalersimavoq. ”Miniklubbi” meeqqanut 180-inut inissaqartitsivoq, 1. klassemiillu 3. klassemi atuartunut naatsorsuussaalluni. ”Miniklubbi” ullaakkut arfineq marluniit arfineq pingasut tungaanut aamma atuareernerup kingorna tallimat tungaanut sunngiffimmi sammisassanik neqerooruteqarfiuvoq.

”Miniklubbi” pisortatigoortumik ammaanersiornermi kaffillerpoq, tassanilu borgmesteri Asii Chemnitz Narup oqalugiarpoq. Ilaatigut imatut oqarpoq:

”Nutaarsuarmik kusanavissumik Atuareernerup kingorna ornittagaqalernissinni pilluakutsooritsi. (…) Atuareernerummi kingorna ornittagaq pingaarutilerujussuuuvoq.  Tassa maani ilissinnut naapittarpusi, pinnguaqatigiittarlusi nuannisaaqatigiittarlusilu.

Atuareernerup kingorna ornittagaq tassaammat sunilluunniit periarfissaqarluartoq.  Atuarfimmut qanittunnguulluni kisiannili aamma aappaatigut ungasittoq.

Tassani paasiniaasartussaavusi – klassit aamma klassini alloriarfiit assigiinngitsut akimorlugit. Aamma tassani ilissinnut ilinniartussaavusi assigiinngissuteqarnersilu akuerisussaallusigit. Ataatsimooqatigiiffimmi ikinngutitaassaasi, tassanilu pingaaruteqarluinnartuuvoq inunnut allanut ajunngitsumik ikinngutaanissaq, immissinnut ikioqatigiittassaasi suleqatigiittassaasilu.  Taamaalillusi ineriartoqatigiissaasi suut suulluunniit ataatsimut iluatsittarlugit pissagassi immissinnillu nukittussuseq pisassavarsi.  Ilaatigut tamanna taaneqartarpoq akisussaaqataaneq.”