Atoqqiinermut containerit atorneqarluaqisut Piorsaavimmit Kofoeds Skole suleqatigalugu novembarip aallaqqaataaniit akisussaaffigineqalissapput. Piorsaaviup aamma Kofoeds Skolep adresseraat: Industrivej 2A aamma 2B.

Kommuneqarfik Sermersuup kissaatigaa atoqqiinerusalerlutalu igitassanik immikkoortiterinerusalissasugut. Taamaammat containerit marluk 20 fodsiusut – pequtinik toqqaannartumik atoqqinneqarsinnaasunik suliffeqarfinnit aamma innuttaasunit tunniussivigineqarsinnaasut – Eqqakkanik Tigooraaviup silataani inissisimapput.

Atoqqiinermut containerit tunniussivigineqarluartarmata atoqqiinermut containereqarfiup eqqaa annertuumik angallaffiusarpoq. Taamaammat atoqqiinermut containerit nuunneqassapput.

Atoqqiinermut containerit Piorsaaviup aamma Kofoeds Skolep silataanni novembarip aallaqqaataani inissisimalissapput. Piorsaaviup aamma Kofoeds Skolep adresseraat: Industrivej 2A aamma 2B. Taamaattumik atoqqinneqarsinnaasut igitassallu siunissami immikkoortiterluarneqartalertussanngorput.

Atoqqiinermut containerit ammasarfissaat qaqugukkullu tunniussivigiartorneqarsinnaajumaarnersut Piorsaavimmit aamma Kofoeds Skolemit nammineq aalajangerneqarumaarput. Tunniunneqartut igitassatut nalilerpatigit tigunissaannut itigartitsinissaminnut pisinnaatitaaffeqassapput. Igitassatullu nalilikkat Eqqakkanik Tigooravimmut tunniukkiartorneqartassapput.

PDF