Piginnaanngorsarnikkut suliffeqalernissannut ilinniagaqalernissannullu periarfissagissaarnerulissaatit. Uani annertunerusumik paasisaqarfigisinnaavat.
Nunatsinni inuit kikkulluunniit ilinniagaqarnissamik suliffissaqarnissamillu periarfissaqartussaapput. Ilinniartitaaneq aqqutigalugu ilisimasanik atorsinnaalluakkannik pissarsiorsinnaavutit, inuunerup sinnerani atorsinnaasannik. Ilinniagaqarsimaguit suliffissatigut periarfissat aamma annertunerussapput. Suliffeqaruillu imminut pilersorsinnaallutillu ilaquttatit pilersorsinnaassavatit.
Piginnaanngorsaqqinneq suliffittaarnissannut ilinniagaqarnissannullu pitsanngorsaanissamut periarfissaavoq. Assersuutigalugu suliatigut piginnaasariaqakkannik amigaateqarnerit pissutigalugu inuussutissarsiutinik ilinniartitaanermut ilinniarnertuunngorniarfimmulluunniit ingerlaqqissinnaanngikkuit, taava FA-mik aqqusaagaqarnikkut karakteeritit pitsaanerulersissinnaavatit.
Ilinniagaqalernissamut imaluunniit sulilernissamut piginnaanngorsaqqikkumaguit, najukkanni Majoriamut saaffiginnissinnaavutit. Tassani inuussutissarsiutinut aamma ilinniartitaanermut siunnersuisartup piginnaanngorsarnissamut neqeroorutaasut assigiinngitsut pillugit siunnersorsinnaavaatit, assersuutigalugu:
- Meeqqat atuarfiata soraarummeerluni misilitsinneranut (FA)
- Sulinermut aamma suliffimmi sungiusarnermut
Majoriani atuartitsinerit assigiinngitsut ingerlanneqartarput. Ima paasisariaqarpoq piginnaanngorsaqqinneq najukkanni Majoriami ingerlanneqartassaaq. Najukkanni Majoriamut saaffiginnikkuit, siunnersuisartoq inissisimaninnut pisariaqartitannullu naleqqussakkamik iliuusissanut pilersaarusiussaaq. Iliuusissanut pilersaarut ilinniagaqalernissannut imaluunniit suliffeqalernissannut aqqusaartugassanik nassuiaataavoq.
Majoriamut saaffiginnikkuit nassatassatut eqqaamasassatit ukuupput:
- Najugaqarnermut uppernarsaat
- Kuisinnermut allagartaq
- Meeqqat atuarfiannit karakteerit
- Sulisitsisumit oqaaseqaammik peqaruit ilanngunneqarsinnaavoq
18-it inorlugit ukioqaruit angajoqqaannit imaluunniit angajoqqaatut akisussaatitaasumit akuersissut siunnersorneqarnissat pillugu nassassavat. Aamma angajoqqaatit imaluunniit angajoqqaatut akisussaatitaasut ilagalugit ornigussinnaavutit.
Najukkanni Majoriaq attaveqarfigiuk
Majoriaq Nuuk
Email: majoriaqnuuk@sermersooq.gl
Telefon: +299 36 80 70
Ammasarfiit
Ataasinngorneq – sisamanngorneq: Nal.10.00 – 14.00
Tallimanngorneq: Nal. 10.00 – 12.00
Adresse: Jens Kreutzmannip aqq. 7
Postboks 1005, 3900 Nuuk
GLN.NR: 5790002 293092
Majoriaq Paamiut
Email: majoriaq-paamiutadm@sermersooq.gl
Telefon: +299 36 66 00
Ammasarfiit
Ataasinngorneq – sisamanngorneq: Nal.10.00 – 14.00
Tallimanngorneq: Nal. 10.00 – 12.00
Adresse:
Postboks 520, 3940 Paamiut
GLN.NR: 5790002 293108
Majoriaq Tasiilaq
Email: majoriaq-tasiilaqadm@sermersooq.gl
Telefon: +299 36 78 35
Ammasarfiit
Ataasinngorneq – sisamanngorneq: Nal.10.00 – 14.00
Tallimanngorneq: Nal. 10.00 – 12.00
Adresse:
Postboks 98, 3913 Tasiilaq
GLN.NR: 5790002 293115
Majoriaq Ittoqqortoormiit
Email: majoriaq-ittoqqortoormiit@sermersooq.gl
Telefon: +299 99 10 12
Ammasarfiit
Ataasinngorneq – sisamanngorneq: Nal.10.00 – 14.00
Tallimanngorneq: Nal. 10.00 – 12.00
Adresse:
Postboks 23, 3980 Ittoqqortoormiit
GLN.NR: 5790002 293122
Malugiuk
Nunaqarfigisanni Majoriaqanngippat Majoriamut qaninnerpaamiittumut sianersinnaavutit imaluunniit nunaqarfiup allaffianut saaffiginnissinnaallutit.
Majoriami sulisut nipangiussisussaatitaapput. Eqqartukkasi tamarmik illit Majoriamilu sulisut akunnissinniiginnassapput.