Pisiniarnermut politikki

Siunertaq

Pisiniarnermut politikkip qularnaassavaa, nioqqutissanik kiffartuussinernillu pisiniarnerit sapinngisamik pitsaanerpaamik pisarnissaat peqataanillu kommunip qularnaartassavaa niueqatigiinnermi piumasaqaatit ataatsimut nalilersorneqartassasut, makku tunngavigalugit:

Peqataanik pisiniarnermut politikkip qularnaassavaa, kommunip pilersuisuisa misigisassagaat kommune ataatsimut isigalugu – pikkorissuusoq – niueqatigineqarsinnaasoq.

Ataatsimut suna tamaat isigalugu naliliinermi imaassinnaavoq tamatigut akikinnerpaaq pilersuisoq qinerneqanngitsoortartoq, kisiannili pissutsit soorlu sumiiffimmi immikkoortortaqarneq, avatangiisinut tunngasut, inooqatigiinnermut pissuserissaarnermullu tunngasut pissutsit imaassinnaavoq pingaarnerutinneqartut.

Immikkoortortat pineqartut

Pisiniarnermut politikki kommunimi tamarmut atuuppoq meeqqeriviit ilanngullugit.

Pisiniarnermut politikkimi pineqarput nioqqutissarsiniarneq aamma ingerlatsinermut atatillugu kiffartuussisussanik pissarsiniarneq illuuteqarnerlu.

Kommuunip pisiniartarnera pillugu pingaarnersiukkat

Nunaqavissunik unammillersinnaasunik pilersuisoqarneq

Kommuneqarfik Sermersuup tunngaviusumik sumiiffimmi pisiniartarpoq, taamaakkaluartorli akit unammillersinnaasut atorneqartarput aammalu suna tamaat ataatsimut isigalugu naliliinermit niuernermi pingaarutillit tunngavigalugit soorlu aki, tunniussinermi pissutsit aamma pitsaassuseq. Sumiiffimmiittut pilersuisut taamaattumik pilersuisut allat neqeroorutigisinnaasaat tunniussinnaasariaqarpaat. Aamma pisiniarnermit tamatigut pingaartinneqartassaaq, suna tamat ataatsimut isigalugu takunnissinnaassuseqarluni, pitsaassuseq aamma kiffartuussineq – pitsaanerpaaneq akikinnerpaanerlu – kisianni aamma peqatigiinnermut tunngasut atuutsinnissaat aamma ataatsimut nalilersuinermi ilanngunneqarsinnaapput.

Avatangiisit, inuttut akisussaaqataaneq aamma pissuserissaarneq

Kommunip pisiniarnermut politikkia aqqutigalugu pisiniarnermi kissaatigai avatangiisit piuinnartinnissaat, peqatigiinnerup pingaartinneqarnissaa aamma ileqqorissaarnikkut illersorneqarsinnaasumik periuseqartoqarnissaa.

Tamatuma kinguneranik pisiniarnermut isumaqatigiissusiortoqartillugu ilanngunneqartassapput isumaqatigiissutit pilersuisut pilersueqataasullu uppernarsagassaat makkuusut:

Inuit pisinnaatitaaffii
Sulisartut pisinnaatitaaffii
Avatangiisit
Peqquserluttoqannginnissaq

Pilersuisunik suleqatneqarneq

Kommuneqarfik Sermersuup pingaartippai pilersuisuminik pitsaasumik sivisuumillu attaveqarnissaq.

Kommunip pilersuisuinik suleqateqarnermi tunngaviussapput, unneqqarinneq, pimoorussineq aamma pikkorissuseq. Naatsorsuutigineqarpoq pilersuisut peqataassasut niuerfimmi pisunik paasisimasaqarnerulernissamut, tunisassiat ineriartortinnerinut paasisimasaqarnerulernissamut il.il. Kommunip pisiniartarneranut attuumassuteqartut kisitsisitigut paasissutissat aamma atukkiunneqarsinnaassapput taamatullu aamma siunnersortaasarnissaq neqeroorutigineqarsinnaassaaq.

Tunngaviusumik illuatungeriit akornanni ammasumik pissuseqartoqassaaq. Immikkoortoqarumaarporli isertuuttariaqakkanik. Tamatuma kinguneranik kommunimi sulisut pilersuisulluunniit pisiniarnermut tunngasunik allanut ingerlatitseqqeqqusaanngillat. Tamatumani tamatigut ataqqineqartassapput sumiiffimmi inuiaqatigiit amerlassusaat imaluunniit inuit isumaqatgiiissutini akinut tunngasunik ilisimasallit kikkuuneri.

Pilersuisussamik toqqaanermi pingaartinneqartassaaq, pilersuisunngorumaartussap sullivimmini avatangiisinut politikkia. Taamaattumik pilersuisup isumaqatigiittoqarsimatillugu nassuiarsinnaasariaqarpaa avatangiisinut politikkini aamma ajornanngippat avatangiisinut allagartat akuersissutit. Tunisassiat pisortanit akuerisaallutik nakkutigineqartut ilisarnaasersukkallu qinerneqartariaqarput soorlu Qussummik ilisarnaasikkat.

Pisiniarnerni suliariumannittussarsiuussinertalinnik, suliariumannittussarsiuussineq pillugu pilersuisunut ilisimatitsineq Sermersooq.gl aqqutigalugu pisassaaq taamatullu aviisini naqitani.

Ataatsimut pisiniarneq, annertuumik ingerlatsineq isumaqatigiissutinillu ataqqinninneq

Amerlasuunik pisiniarnerup iluaqutissartai piumallugit pisariaqarpoq pisiniarnermut isumaqatigiissutit qitiusumik suliarineqartarnissaat aamma qitiusumik isumaqatigiissutit atuuttarnissaat fag- aamma stabini taamatullu imaluunniit immikkoortuni isumaqatigiissuteqarfiusuni.

Pisinermut isumaqatigiissutit tamarmik qitiusumik pisiniartarfik tamatigut aqqusaartassavaat, susassaqarfiilli ataasiakkaat suleqatigalugit.

Pisiniarnermut isumaqatigiissutit isumaqatigiissutigineqartassapput ataasiinnarmik pilersuisoqarnissaq aallaavigalugu suliariumannittussarsiuussisoqareernerani imaluunniit sinaakkutitut isumaqatigiissusiortoqarsimatillugu, isumaqatigiissutip imaa kommunimi tamarmi atuuttussanngorlugu.

Pitsaanerpaanik isumaqatigiissuteqarnissaq anguniarlugu pisariaqarsinnaavoq, nioqqutissat pisiarineqartartussat ikilisarnissaat assigiissaarnissaallu.

Iluaqutissarsisoqarsinnaatillugu kommune pisortaqarfiit allat isumaqatigiissutaannut ilanngussinnaassaaq soorlu Namminersorlutik Oqartussat pisiniartarfiata isumaqatigiissutaannut/ kommunilluunniit allat isumaqatigiissutaannut.

Pisiniarnissamut isumaqatigiissusiat

Kommunip pisiniarnerit tunngaviusumik aallaaveqassapput ataatsimut pisiniartarnissamut isumaqatigiissutinik imaluunniit pisiniarnermut politikkimi najoqqutassat malinneqartassapput.

Pisiniarnermut isumaqatigiissusiat atuuttut tunngavigaat isumaqatigiissutit allanngortinneqarsinnaanngitsut taamaasillutik atuupput fag- aamma stabinut tamanut aamma imaluunniit immikkoortortanut isumaqatigiissusiorfigisimasanut aamma allat pilersuisut nioqqutissat ataasiakkaat eqqarsaatigalugit pitsaanerusumik akeqartitsisinnaagaluarpataluunniit.

Isumaqatigiissusiornerup qularnaassavaa, pisiniarnerit pisassasut tunngavigalugit:

Isumaqatigiissutit makku tunngavigalugit pisiniarnermut isumaqatigiissut pilersinneqarsinnaavoq:

Annertuunik pisiniarnerni pinngitsoorani malittassami isumaqatigiissummi allassimanngitsunik imaluunniit pilersuisup tunniussinnaanngisaanik – pisiniartoqassaaq – pisiniarnermut immikkoortortaq isumaqatigiissuteqarfigeriarlugu – pisiniarnermi sinaakkutissat isumaqatigiissutit tunngavigalugit.

Pisiniarnermut isumaqatigiissutit ingerlasut aamma malittarisassat atuuttut Sermeeqqami takuneqarsinnaassapput.

Pisiniarnermi suliamik aaqqissuussineq

Qitiusumik pisiniartarfik

Pisiniarnerit aqussinnaajuamallugit ataqatigiissaarsinnaajumallugillu taamatullu pisiniarnissamut isumaqatigiissutit atuuttut il.il. pilersinneqassaaq qitiusumik pisiniartarfik.

Qitiusumik pisiniartarfiup aaqqissuussaanikkut inissisimaffissaa aamma sulisoqarnissaa allaqqavoq aaqqissuussaanermut pilersaarummi sukkulluunniit atuuttumi. Qitiusumik Pisiniarnermut Immikkoortortaqarfiup akisussaaffigaa isumaqatigiissusiornissaq, pisiniartarneq, ataqatigiissaarineq, isummersuineq aamma nakkutilliineq.

Tamatuma kinguneranik:

Tamatuma saniatigut Qitiusumik Pisiniarnermut Immikkoortortaqarfiup pingaarnertut suliassaraa isumagissallugit akisussaanini tunngavigalugu:

Qitiusumik pisiniartarfiup nakkutigissavai kommunimi pisiniarnerit pisiniarnermut politikki tunngavigalugu pisarnersut. Tassa imaappoq, qitiusumik pisiniartarnissamut isumaqatigiissutit malinneqarnersut aamma malittarisassat naqitanngortitat malinneqarnersut.

Aqutsisulli ataasiakkaat tamatuma pinissaa akissaaffigaat.

Immikkoortut allaffiup avataaniittut

Kommunimi aqutsisut tamarmik akisussaaffigaat kommunip pisinermut politikkianut tunngasunik paasissutissanik pissarsiniarnissartik aamma pisiniarnermut isumaqatigiissutit atuuttut pillugit.

Isumaqatigiissutit atuunnissaasa qularnaarnissaat siunertaralugu taamatullu isumaqatigiissutaareersunut akuunissaq qularnaarniarlugu, avataaneersunit toqqarneqassapput pisiniarnermut akisussaasut. Pisiniarnermut akisussaasut ilisimasaqartuussapput, soqutiginnissapput misilittagaqarlutillu pisiassanut suliassanulluunniit pisiniarnermut tunngasunut.

Pisinarmut isumaqatigiissuteqartoqartillugu naliliisoqassatillugulu pilersinneqarsinnaaapput atuisartoqatigiit pisariaqartitsineq naapertorlugu. Atuisartoqatigiinni ilaasortassat toqqarneqartassapput pisiniarnermut akisussaasut suleqatigalugit.

Pisiniarnermut akisussaasut aamma pisiniarnermut isumaqatigiissutit pioreersut malitseqartinnissaannut nutaanilluunniit pisiniarnermut isumaqatigiissuteqartoqassatillugu paasissutissanik attuumassutilinnik pilersueqataasassapput.

Ataasiartumik pisineq isumaqatigiissutinilu allassimanngitsunik pisineq

Isumaqatigiissut pioreersoq avaqqullugu taamaallaat pisiniartoqarsinnaavoq immikkorluinnaq pisoqartillugu aamma Aningaasaqarnermut Allatseqarfik isumasioqqaarlugu. Taamatut pisiniarnerit tunngavilersorneqartassapput naqitanngortitanik aamma immikkut nassuiarneqartassaaq kommunkip nioqqutissanik pisiniarsimanera kiffartuussinernillu pisiniarsimanera pillugu ukiumoortumik nalunaarusiaani.

Aningaasat annertuut atorlugit ataasiarluni pisiniarnermi tunngaviit taakku atuupput. Taamaattumik pisiniarnerit taamaattut pissapput qitiusumik pisiniartarfik suleqatigalugu aamma pissaaq aki, tunniussineq, pitsaassuseq, avatangiisit aamma peqatigiinnermut tunngasut immikkut isumaqatigiissutit malillugit.

Isumaqatigiissutini allassimanngitsunik pisiniartoqartillugu aamma suliariumannittussarsiuussineq aqqutigeqqaarnagu pisiniartoqartillugu tunngaviusumik pilersuisut neqeroorsinnaasorisat neqerooruteqartinneqassapput. Ajornanngippat minnerpaamik pilersuisut marluk neqeroortinneqassapput, immikkoortillugit. Illoqarfinni marlunnik amerlanerusunik pilersuisoqarfiusuni minnerpaamik pilersuisut pingasut neqeroortinneqartassapput.

Immikkoortuni arlalinni mikisualunni pisiniartoqarsinnaavoq annertunngitsunik isumaqatigiissuteqaqqaanngikkaluarluni. Tunisassianik aalajangersimasunik pisiniarnermi pisariaqartitsineq sukkulluunniit nalilersorneqarsinnaaqqullugu, illoqarfiup avataaniittut pisiniartartut qitisumik pisiniartarfik suleqatigisassavaat atortunik pisariaqartitsineq siunissamilu pisiniarnissaq malitseqartikkumallugu.

Qarasaasiakkut inniminniineq katalogilu

Pilersuisut annerit niueqatigissatillugit soorlu allaffimmi atortunik imaluunniit assigisaannik kommunip niueqateqarnissaq pingaarnerutissavaa, pilersuisumik qarasaasiakkut inniminniisitsisinnaasumik aamma kataloginik takutitsisinnaasumik (internetimi linki)

Suleriaatsit pitsanngorsarnilarugit illullu iluani aqutsineq millisarniarlugu piumasarineqarsinnaavoq qarasaasiakkut inniminniissutinik peqalernissaq. Pilersuisup qarasaasiakkut inniminniissut atugassiissutigisuuppagu taava atorneqassaaq, immikkut pissutsit pissutaallutik tamanna aportinneqanngippat. Taamatut pisoqassappat Qitiusumik Pisiniartarfik attavigineqassaaq.

Tamatuma saniatigut pisiniarneq qarasaasiaq atorlugit taamaallaat pisassaaq, pisiniarnermut politikkimut tamanna akerliunngippat taamatullu aamma isumaqatigiissutaareersunut akerliunngippat. Taamatut internetikkut pisiniartoqartinnagu Qitiusumik Pisiniartarfik isumasiorneqaqqaartassaaq.

Internetikkut pisiniarnermi akiliinissamut malittarisassat immikkoortut takuneqarsinnaapput kommunip karseqarnermut naatsorsuusiortarnermullu malittarisassaataani.

Attartornermut atornermullu isumaqatigiissutit

Taamaallaat attartortoqarsinnmaavoq atortoqarluni immikkut Aningaasaqarnermut Allatseqarfik isumaqatigiissuteqarfigeqqaarlugu – aamma tamatigut attartornerup atornerulluunniit atorneqarnissaa immikkut tunngavilersorneqassaaq. Tunngavilersuummut tamatigut ilanngunneqartassaaq isumaqatigiissutip erniaata naatsorsornera.

Qarasaasiat aamma oqarasuaatit

Pisiniarnermut politikki pingaarneq aamma qarasaasianik, qarasaasianut systeminik kiisalu oqarasuaatinik pisiniarnermi atussaaq.

IT-mi isumannaatsuunissaq pillugu kiisalu it-kut atortut assigiiaarnissaat malittarisassallu, taava pisiniarneq neqerooruteqarnerlu IT-mut immikkoortortaqarfiup isumagissavai. Ingerlatsiviit meeqqeriviillu tamatigut IT-mi atortunik pisinermi malittarisassat atuuttut malittassavaat.

Pisiniarnermi malittarisassat Sermersuup nittartagaani takuneqarsinnaapput.

Sanaartugassat

Pisiniarnermut politikki pingaarneq atuutissanngilaq sanaartornermut atortunik pisiniarnermi neqeroortitsisarnermut.

Ilanngaatit/tunissutit/inuinnartut pisiat

Kinaluunniit pilersuisooreersunit pilersuisunngorsinnaasunilluunniit tunissutinik tigusisassanngilaq, aatsaat nalikittuaqqanik ussassaarutinik tunniussisoqarniarpat qujarusssisoqarsinnaavoq aamma imaluunniit pisuni pingaartuni tunissuteqartoqarniarpat (inuusissornerni/ullorsiornerni il.il.).

Kommuneqarfik Sermersuup pisiniarnermut isumaqatigiissutai inuinnartut pisiniarnermi atorneqartassanngillat, aatsaat taamaaliortoqarsinnaavoq tamanna tamanut nalunaarutigineqarsimappat. Periarfissat taamaattut pillugit nalunaarutit Sermeeqqani tamanut takusassiarineqartassapput.

Pisiniarnermut politikki uani aasinnaavat.