Innuttaasunut

Siunnersuisoqatigiit nutaat sumiiffinnik aqqusinernillu taaguusersuissapput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Sumiiffiit Aqquserngillu Taaguutaannik Siunnersuisoqatigiit Kommuneqarfik Sermersuumi kommunalbestyrelsimut siunnersortitut inissisimassapput. Siunnersuisoqatigiit kommunip illoqarfiini sumiiffinnik aqquserngullu taaguutissaannik siunnersuusiornissaq pingaarnertut suliassarissavaat.

Kommunalbestyrelsip kingullermik ataatsimiinnermini Sumiiffiit Aqquserngullu Taaguutaannik Siunnersuisoqatigiinnik pilersitsinissaq akuersissutigaa. Siunnersuisoqatigiit Kommuneqarfik Sermersuumi illoqarfinni sumiiffinnik aqquserngillu taaguutissaannik siunnersuusiortassaaq.  Siunnersuisoqatigiit taaguutissatut siunnersuutaat innersuussutaasarput.

Siunnersuisoqatigiittut pilersinneqaqqammersup sumiiffinni Nuup avataaniittuni tassa Tasiilami, Paamiuni aamma Ittoqqortoormiini Najukkami Ataatsimiititaliat akuutittassavai.

Siunnersuisoqatigiinni tassaapput:

  • Mariane Petersen, Translatøri
  • Lisathe Møller Kruse, Oqaasileriffimmi immikkut Siunnersorti
  • Frederik Holm, Illussanik Titartaasartoq Nuummilu innuttaq
  • Tittus Dalager, Bygningskonstruktør aamma Sanarfinermut Avatangiisinullu Ingerlatsivimmi atorfilik
  • Johannes Heilmann, NAPP-mit aallartitaq (Nuummi aalisartut piniartullu peqatigiiffiat)
  • Salik Hard, Nuummi Sunngiffimmi Aalisartut Piniartullu Peqatigiiffiannit aallartitaasoq