Ittoqqortoormiini B-31 isumaqatigiissuteqarnikkut tigusassanngorlugu Kommuneqarfik Sermersuumiit neqeroortitsissutigineqarpoq.
Illu isikkuatut allanngortinnagulu tuniniarneqarpoq. Tuniniaasoq illumi amigaataasunut sukkulluunniit akisussaassuseqassanngilaq. Pisisoq taarsiiffigineqarnissamut amigaateqassagaluarpalluunniit atorunnaarsitsisinnaatitaanngilaq, matumani inatsimmut tunngassuteqartut pineqanngillat. Soqutiginnillutik neqeroortut kaammattorneqarput namminerisaminnik teknikikkut siunnersuisartoqassasut
Ittoqqortoormiini B-31-mik pisisup nunaminertami sumiiffimmi atuinissamik pilersaarut aalajangersakkallu tunngavigalugit, kiisalu inatsisit atuuttut malillugit, illu nammineq atussavaa.
Illup tiguneranut atatillugu aningaasartuutit tamaasa pisisup isumagissavai, matumani naqissusiititsinermut aningaasartuutit namminerisamik siunnersortinut akissarsiat il. il. Tunisisoq illup niuerutiginerani piginnittuunermut uppernarsaateqarpoq, nunaminertamik atukkamik tunniussissaaq Kalaallillu Nunaanni Eqqartuussivimmi illunik pigisanut nalunaarsorsimaffikkut nalunaarsortissallugu.
Alakkarneqarnissaanut Kommuneqarfik Sermersooq attavigissaaq uunga – Sanarfinermut Avatangiisinullu Ingerlatsivik oqarasuaat 36.74.22 imaluunniit paasissutissat annertunerusut pillugit Erik Wiggers mailikkut maana attavigissavat: ewig@sermersooq.gl.
Neqeroorneq allakkatigut pissaaq danskit aningaasaatai atorlugit aningaasanik taasaqarnikkut, atit, postadressit, oqarasuaativit normua ajornanngippallu e-mailit allassavatit uungalu nassiullugit:
Kommuneqarfik Sermersooq, uunga: Erik Wiggers
mail-adressimut: ewig@sermersooq.gl
Neqeroorut ima nalunaaqutsissaaq:
’B-31, Ittoqqortoormiit neqeroorut’
Neqeroorutit Kommuneqarfik Sermersuumut tunniunneqareersimassapput kingusinnerpaamik marlunngorneq marsip ulluisa 31-iani 2026 Kalaallit Nunaanni nalunaaqutaa malillugu 12.00.
Neqeroorutit allanngortinneqarsinnaassanngillat, piumasaqaatitaqassanngillat nangaassuteqassanatillu. Pisinermi akigititap akilerneqarnerani tunniussinermullu atatillugu aningaasartuutit tuniniaasup akuersereerneranit ullut tallimat qaangiunneranni qularnaveeqqusiisoqassaaq. Qularnaveeqqusiinermi sullinneqarnermut aningaasartuut pisisumit isumagineqassapput.
Ittoqqortoormiini B-31 tunineqassaaq piumasaqaatit naapertorlugit akisunerpaamik neqerooruteqartumut. Kommuneqarfik Sermersooq neqeroorutinik tamanik itigartitsisinnaatitaavoq.
Ulloq marsip 31-ata 2026-p kingorna sap. ak. pingasunut neqerooruteqartitsineq aalajangersarneqassaaq kingornalu neqerooruteqartut neqeroorutigisaminnut pituttugaajunnaassapput.