Innuttaasunut

Eqqagassalerineq anartarfilerinerlu: Najukkap qimalernerani eqqaamasassat pingaarutilik

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Illumut nammineq pigilikkannut nuukkuit eqqagassat aaneqartarnissaat nalunaarutigissavat najugarisimasanniillu eqqagassat aaneqartarunnaarnissaat nalunaarutigalugit. Aamma anartarfilerineq taamatorluinnaq nalunaarutigineqassaaq.

Kommunip eqqakkanik aallertarneranut aallertarunnaarnissaanullu ima nalunaaruteqassaatit.

Marlunnik periuseqarlutit eqqagassanik aallertitsisarneq anartarfimmillu isumaginninneq nalunaarutigisinnaavat:

  1. sullissivik.gl aqqutigalugu elektroniskimik nalunaarsuiffik immersorneqarsinnaavoq.

NemID atussavat. Tamatuma kingorna immersugaq toqqaannaq Eqqagassalerivimmut nassiunneqassaaq, taakku nalunaarutit isumagissavaat.

  1. Innuttaasunut Sullissivimmut saaffiginnissinnaavutit tassani nalunaarsuinissamut ikiorneqarumaarputit. Innuttaasunut Sullissiviup isumagissavaa, najugarisimasavit najugarilikkavillu nalunaarsorneqarnissaat pillugit  Eqqagassalerivimmut immersukkat nassiunneqarnissaat.

Najugarisimasavit qimannerani nammineq taamaatitsineq pineq ajorpoq

Najukkamut allamut kommunimut allamut imaluunniit nunanut allanut nuunnissat nalunaarutigigukku, pingaaruteqarpoq, najugaqarfigisimasannit eqqagassanik aallertitsisarneq illit nammineq taamaatinnissaanut nalunaaruteqarnissaq eqqaamassallugu.  Nammineq isumaginngilaq.

Nuunnerni taamaatitsinissaq illit akisussaaffigaat. Taamaatitsinissaq puigorsimagukku eqqakkanik aallertarneq pillugu akiliisitaassaatit, taamaatitsissummik nalunaarummik tigusinissatta tungaanut.

Eqqagassanik aallertitsisarnissaq nalunaarutigisussaavat

Kommunimit eqqakkanik aallertarneq imaluunniit namminersortunit eqqakkanik aallertarneq atussanerlugu illit nammineq aalajangissavat. Taamaattorli pinngitsoornak eqqakkanik aallertarneq pillugu nalunaarsimasussaavutit inuit allattorsimaffianni najugarisat naapertorlugu soorlu aamma kommunimut eqqakkanik aallertitsisarneq uppernarsarsinnaassagit.

Aasarsiortarfiuteqaruit pinngitsoornak najornerata nalaani soorlu ukiup aasaanerani eqqagassanik aallertitsisartussaavutit. Sukkulluunniit eqqagassanik aallertitsinissaq nalunaarutigisinnaavat kisiannili taamaatitsiniaruit taamaallaat kvartaalikkuutaartumik ulluni ukunani marsip 31-ani, juunip 30-ani, septembarip 30-ani imaluunniit decembarip 31-ani nalunaarsinnaavutit.

Nalunaarnissaq imaluunniit eqqagassalerineq nalinginnaasoq pillugu apeqqutissaqaruit ullut suliffiusut tamaasa Eqqagassalerivik oqarasuaammut uunga 36 74 11 sianerlutit (pitsaanerussaaq 10.00- 12.00 akornani) aamma uunga allassinnaavutit: affald@sermersooq.gl  saaffigisinnaavat.