Mittarfiup avannamut kangianut inuussutissarsiuteqarfik 4B4 assut maniitsuuvoq, tamannalu pillugu inuussutissarsiuteqarfittut atulernissaanut nuna annertuumik nunagissarneqartariaqassaaq. Tassunga atatillugu kommune nunaminertamik qaartiteriffigineqartussamik qinnuteqarnissamut periarfissiivoq, piumasaqaataavorlu qaartitikkat/nunami piaajakkat qaartiterinissamut nunaminertamik atugassinneqarsimasumit pineqassasut.

Nunaminertat taakku atugassiissutigineqarallartut ujaqqanik piiaanermut atortunik pigisaqartunut entreprenørinut tunniunneqassapput.

 

Sumiiffik 1

Sumiiffik 2

Sumiiffik 3

Sumiiffik 4

20.000m3miss.

24.000m3miss.

23.000m3miss.

27.000m3miss.

Nunaminertamik atugassiigallarnermut piumasaqaatini nunaminertap naammassineqaruni isikkussaa pillugu qatsissusissaat nunallu titartagartaa nassuiaatigineqassapput. Nunaminertamik atugassiinermiit ukiut pingasunik sivisussusilimmik suliarineqassaaq naamassineqarlunilu kiisalu nunaminertamik atugassinneqarsimasunik allanik ataqatigiissarneqarluni, tassunga ilanngullugu suliaqarnermi aqqutissat isumannaallisaanerlu ilanngullugit eqqarsaatigineqarnissaat.

Qatsissusissaanut aalajangersakkamut nunaminertat qaartiterneqareerpata nunaminertat kommunimut utertinneqassapput, taamalu immikkoortumut tassunga kommunimut pilersaarutit atuuttut malillugit nalunaarutigineqarniassammata.

Nunaminertamik atugassinneqartup qaartiterinermut atatillugu inatsisit atuuttut malinneqarnissaat qulakkiissavaa.

Nunaminertap atugassiisutaanera paariinarneqarnissaanut  piumasaqaataavoq, pingaartumik suliap naammassineqarnissaanut atatillugu akuersissutaatillip piffissaliussaminik eqqortitsinissaa. Tamanna eqqortinneqanngippat naatsorsuutigisariaqarpoq, kommunip nunaminertaq utertissagaa, piumasaqaatitalerlugu sapaatip akunnerini sisamani piffissalerlugu pissutsinik aaqqiisoqarnissaanik.

Qinnuteqartut uku eqqumaffigissavaat:

  • Makitsinermi qinnuteqarsinnaatitaasut tamarmik makitsinissamut atugassamik ataatsimik peqarnissaat tunngaviusarpoq. Taamaalillunilu katissimallugu aapparisaq, inuk inoqutigiinneersoq, inuit allat qinnuteqaammut tunngatillugu imaluunniit toqqaannartumik attuumassuteqartut - ataatsimoorussamik soqutigisaqaqateqartut, imaluunniit ingerlatseqatigiiffinnut inunnullu ingerlatseqatigiiffimmiittunut - piginnittutut imaluunniit ingerlatseqatigiiffiup aqunneqarneranut ilaasut - allalluunniit ingerlatseqatigiiffimmut taassumaluunniit aqunneqarneranut qanimut attuumassuteqartut makitsinermi peqataatinneqarsinnaanngillat, nunaminertanut ataasiakkaanut ataasiinnarmik qinnuteqaateqartoqarsinnaammat. Aamma suliffeqarfissuarnut tamanna atuuppoq. Assersuutigalugu aappariinnut marluusunut, imaluunniit ingerlatseqatigiiffimmut taassumalu pisortaaneranut imaluunniit ingerlatseqatigiiffinnut marlunnut ataatsimik pingaarnertut aningasaliisulinnut il.il. immikkut qinnuteqarnissaq inerteqqutaavoq.

Qinnuteqaateqarfissaq piffissaliussap qaangiuppat qinnuteqaat ammarneqassaaq, tassanilu malittarisassat eqqortumik malinneqarsimanersut nalilerneqassaaq. Eqqortumik malinneqarsimannginnera paasineqarpat, qinnuteqartoq malittarisassanik unioqqutitsisoq peqataajunnaarsinneqassaaq.

Qinnuteqartut tamarmik immikkoortumi ataasiinnarmik qinnuteqarsinnaapput, qinnuteqarnermili sanaartorfissat tamarmik pingaarnersiorlugit allattorsimaffianik ilanngussisoqarsinnaavoq, pingaarnertut siulliunneqarsimasoq qinnuteqartumut allamut tunniunneqarnissaa eqqarsaatigalugu.

 

Qinnuteqaammut ilanngunneqassapput

 

  • CVR-normua pillugu paasissutissat.
  • Qinnuteqartup ukiut pingasut iluani suliamik naammassinnissinnaanermik sakkussaqarneranut takussutissaliornera.
  • Qaartiterinissap ingerlanneqarnissaanut piffissamut pilersaarut
  • Aningaasaliisinnaassuseqarnermik uppernarsaat. Aningaaserivik, imaluunniit aningaaserivik alla uppernarsaassaaq, aningaaseriviup imaluunniit aningaaseriviup allap naliliinera naapertorlugu qinnuteqartoq, qinnuteqarnerata nalaani aningaasaqarneranik sukumiisumik nalilersorneqarsimasoq - pisariaqanngitsumik unitsinneqarani - nunaminertami qinnutigineqartumi sanaartornissap piviusunngortinneqarnissaannut periarfissaqartoq. Suliassap aningaasalerneqarnissaanut qinnuteqartup nammineq aningaasaqarnera naapertuutissaaq. Aningaaserivik imaluunniit aningaaserivik alla uppernarsaanermini inatsisitigut taamatut pisussaaffeqannginneraasinnaanngilaq - uppernarsaatip tutsuiginassusia eqqarsaatigalugu akiliisinnaassuseqarnermi piumasaqaatit nalinginnaasut naapertorlugit aningaaserivik naliliisussaatitaammat.
  • Qinnuteqaatit taakkuninnga paasissutissanik uppernarsaatinillu imaqartut kisimik akuerineqartussatut ilanngunneqassapput. Qinnuteqaatip tamakkiisuunissaa eqqortumillu paasissutissiinissaq qinnuteqartup akisussaaffigaa.

 

Qinnuteqaatit tamarmik siusinnerpaamik imaluunniit kingusinnerpaamik ulloq apriilip 30-anni 2020 nal. unnuap qeqqartinnagu tiguneqarsimasut tamarmik ataatsikkut tiguneqartutut isigineqassapput.

Atugassiinerup ingerlanneqarnera

Piumasarineqartunik naammassinnissimasut akornanni Kommuneqarfik Sermersooq makitsissaaq ulloq 7. maaji 2020, nal. 10.00 ataatsimiittarfik 1-imi, Kommuneqarfiup allaffiani, Kuussuaq 2, 3900 Nuuk Makitsineq tamanut ammasuuvoq.

Annertunerusumik paasissutissat Sanarfinermut Avatangiisinullu Ingerlatsivimmut paasiniarneqarsinnaapput, sai@sermersooq.gl

Nunaminertamik inniminniiniarluni qinnuteqaat uunga nassiunneqassaaq, Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk, imaluunniit elektroniskimik uunga sai@sermersooq.gl

Quppernerup imarisaa qanganitsersimava?

Quppernermut naqqiutissaqarpit?