Inunnut innarluutilinnut tunngasunik sulianik ataqatigiissaarisut innuttaasunut timikkut tarnikkulluunniit piginnaasakillisimasunut qanigisaannullu ataatsimoorussamik attaveqarfiupput. Innuttaasut ingerlatsiviit immikkoortortallu assigiinngitsut akornanni ujartuinngikkaluarlutik eqqortumik ikiorneqarniassammata ilitsersorneqarniassammatalu kommunip neqeroorutaannut tapersersorneqarnissamullu periarfissat pillugit ujartuinissaq ajornannginnerulersitsinnissaa immikkoortortamit siunertaavoq.
Inunnut innarluutilinnut tunngasunik sulianik ataqatigiissaarisunit neqeroorutigineqarpoq:
- Innuttaasunut piginnaasakillisimasunut tapersersorneqarnissamut neqeroorutillu assigiinngitsut pillugit ilitsersuineq siunnersuinerlu.
- Ingerlatsiviit assigiinngitsut akornanni ataqatigiissaarineq, taamaalilluni tapersersuinerit attuumassuteqarsinnaasut aallartinneqassallutillu ingerlatsinerit ataqatigiinnerulissapput.
- Kommunimi sumut saaffiginnissallutit nalornissutigigukku eqqortumut isernissamut ujartuinermi ikiortinneq.
Kommunimi inuit innarluutillit pillugit suliassaqarfik meeqqanut, inuusuttunut inersimasunullu piginnaasakillisimasunut assigiinngitsunik neqeroorutinik tapersersuinissamullu periarfissanik imaqarpoq – assersuutigalugu ulluinnarni ikorfartortinneq, iluaqusersuutit, ingiallorteqarneq, oqilisaassineq, sammisassanut neqeroorutit allarpassuillu. Ikorfartorneqarnissannik pisariaqartitsiguit neqeroorutit sorliit ilinnut maanna atorneqarsinnaanersut amerlasuutigut sullissisullu marluullusi nalilersortartussaavarsi, immikkoortortamiilli sunilluunniit paasinninnissannut aamma eqqortunut suliassaqartunut attaveqarnissannut aamma ikiuisoqarsinnaavoq.
Inunnut innarluutilinnut tunngasunik sulianik ataqatigiissaarisut attavigissavatit:
- Nammineq Kommuneqarfiup allaffiani Suliffeqarnermut Isumaginninnermullu Ingerlatsivimmi saaffiginnittarfimmut
- Oqarasuaatikkut 36 66 66
- Mailikkut: khe@sermersooq.gl.