Umiaq Nuussuarmi inissisimavoq, Nuup qeqqata avataani. Illoqarfiup immikkoortuani 4-miilluni.
Takorluugaq:
Kalaallisut Nunaanni ulluunerani paaqqinnittarfiit atuarfiillu meeqqanut tamanut inissaqartitsisut pitsaanerpaamillu sinaakkutillit isumannaatsullu pilersikkusuppagut.
Meeqqat alapernaatsut, tatituut, peqqissut nuannaartut inuiaqatigiillu nammineersinnaasut ineriartortikkkusuppagut.
Naammassserusutaq:
Kommuneqarfik Sermersuumi meeqqat tamanut sinaakkutit pitsaanerpaat pilersikkusuppagut, tamatuminngalu ilikkarsarneq, ineriartorneq kiisalu ilorrisimaarneq taamaasillutillu inuunerminni isumaqarluartumik toqqammaviliisinnasumik.
Anguniagaq:
Meeqqat timikkut tarnikkullu peqqissuunissaat meeqqerivimmiinneq nuannersumik misigissagaat.
Meeqqap inuttut kinaassutsini, avatangiisini, piginnaasanilu ilisimaarilernissai.
Oqaatsitigut inerisimassusaanik kaammattornerisigut, ataatsimooqatigiinnermi peqatigiissinnaaneq, oqaloqatigiinnermik meeqqat akornanni pingaartitsilluta sulisut meeqqanut alapernaalluta. Meeqqamut pilersuisuusut peqataatillugit, meeqqap ineriartorneranik killiffissioqatigiinnermi tapersersortarnerisigut taamaalilluta angajoqqaanut suleqateqarneq annertunerulersinnaammat.
Ilisarnaat:
Meeqqerivik Umiami ilisarnaatigivarput, inersimasut meeqqanut oqariartuuteqaraangamik oqaatsit inerteqqutinut tunngasut soorlu -qqusaanngilagut, allatut nipilerlugu meeqqanut tulluarsarlugu oqaasinngornissaa. Ass. -ssinnaavugut. Taamaalilluni meeqqamut aqqutissiuinertut atorlugu oqaatigineqartarluni, meeqqamut periarfissiinissaq qanoq iliortoqarsinnaanera aamma timitalerlugu takutinneqarsinnaalluni
