Paarsisoq Samuel Kleinscmidtip aqqutaani inissisimavoq. Illoqarfiup immikkoortortaani 2-mi. Illu 1968/69-mi sanaajuvoq.
Takorluugaq:
Kalaallit Nunaanni ulluunerani paaqqinnittarfiit atuarfiillu meeqqanut tamanut inissaqartitsisut pitsaanerpaamillu sinaakkutillit isumannaatsullu pilersikkusuppagut.
Meeqqat alapernaatsut, tatituut, peqqissut nuannaartut inuiaqatigiillu nammineersinnaasut ineriartortikkkusuppagut.
Naammassserusutaq:
Kommuneqarfik Sermersuumi meeqqat tamanut sinaakkutit pitsaanerpaat pilersikkusuppagut, tamatuminngalu ilikkarsarneq, ineriartorneq kiisalu ilorrisimaarneq taamaasillutillu inuunerminni isumaqarluartumik toqqammaviliisinnasumik.
Anguniagaq:
Suliffik kajuminnartoq,alaakkasunik sulisulik, nutaaliorfiusoq, oqaatsitsinnik pingaartitsisoq, perorsaanilerinermi ineriartortitsinermik pingaartitsisoq, meeqqanik atuisunillu ornikkuminartoq.
Ilisarnaat:
Meeqqat nuannaartut peqqissullu ukiuni tulliuttuni tallimaasuni anguniarnissaanut timi atorlugu aalanikkut sammisaqartarnikkut, silamik atorluaanikkut, nerisaqarneq peqqinnartoq, eqqarsartaaseq peqqinnartoq (Nuannartuuneq).
