Immersugassaq - Innutaasunut suliniuteqarnissamut tapiiffigineqarnissamik qinnuteqaat

Kommuneqarfik Sermersuup nammineq piumassuseq tunngavigalugu suliniuteqarneq pingaartippaa taamaattumik Kommuneqarfik Sermersuumi inuuniarnermikkut ajornartorsioqqajaasunut nammineq piumassuseq tunngavigalugu inunnik sullissinerit pitsanngorsarusuppai amerlisarlugillu.

Kommuneqarfik Sermersooq taamaattumik nammineq piumassuseq tunngavigalugu inunnik sullissinermut ukiut tamaasa aningaasaliissutinik immikkoortitsisarpoq. Peqatigiiffinnik, kattuffinnik inuinnarnilluunniit inuuniarnermikkut ajornartorsioqqajaasunut sammisassaqartitsinissamik suliniuteqartunut aningaasaliissuteqarnissaq siunertaavoq.

Ataatsimut isigalugu kommunip anguniarpaa, aningaasaliissutinik agguaassinermi inuttut peqqissutsimullu ajornartorsiutinik suliniuteqarneq tapersiiffigineqassasoq aammalu Kommuneqarfik Sermersuumi isumalimmik pilerinartumillu kajumissutsimik suleqataasarnissaq siuarsassallugu.

Uani taperneqarnissamut piumasaqaatit qinnuteqarnerullu ingerlariaasia nassuarneqarpoq. Aningaasaliissutit pillugit atugassarititaasut malillugit qinnuteqartoqarneratigut tapiissutit agguataarneqartarput.

Sullitassat
Suliniaqatigiiffiit, peqatigiiffiit kiisalu inuit ataasiakkaat isumaginninnikkut namminneq kajumissutsiminnik suliniartut tapiiffigineqarnissaminnik qinnuteqarsinnaapput.

Siunertarineqartoq
Nammineq kajumissutsimik suliniarnermi suliniutinut tapiissutit aqqutigalugit, akissarsiaqarani sulineq, nukittorsarneqarnissaat aningaasaliissutigineqarnermi siunertaavoq. Suliniummi napparsimasut, sanngiitsut, inuuniarnikkut aarlerinartut inuuniapiloortulluunniit sullinniarneqarput. Aningaasaliissutit pillugit atugassarititaasut malillugit qinnuteqartoqarneratigut tapiissutit agguataarneqartarput.

Sammisassanut immikkut ittunut tapiiffigineqarnissamik qinnuteqartoqarsinnaavoq, tapiissuteqarnissamut tulliuttumi piumasarineqartut naammassineqarsimappata.

Tapiissuteqarnissamut tunngavissat:

  • Sammisassaritinneqartoq nammineq kajumissuseqarluni suliniutaasoq sullinniarneqartunut iluaqutaasumik
  • Sammisassaritinniarneqartoq Kommuneqarfik Sermersuumi najugaqartunut tunngatinneqartoq
  • Sammisassaritinneqartoq innuttaasunut imaluunniit peqatigiiffimmi ilaasortaasunut neqeroorutaasoq.
  • Sammisassaq namminermut aamma nammineq ilaquttanut pinnani allanut illuaqutaasussaq
  • Sammisassaq aalajangersimasumik siunertaqartoq aamma nammineq kajumissuseq tunngavigalugu peqatigiiffiusumit,/eqimattanit/attaveqatigiiffinnit immikkullu pisoqartillugu inunnit ataasiakkaanit aamma ingerlanneqartoq
  • Qinnuteqartup uppernarsarsinnaassavaa tapiissutit atorneqarnissaat
  • Qinnuteqartoq qinnuteqarfimmi najugaqassaaq.

Pingaartumik peqatigiiffiit qinnuteqartut:

  • Peqatigiiffiit ilaasortat allattorsimaffiannik, missingersuutinik aammalu naatsorsuutinik ingerlatsisimassapput.

Sammisassaqartitsinermut tapiissutit uku piumasaqaatitaralugit pingaarnersiorneqassapput:

  • Sammisassat nammineq piumassuseq qiteritillugu suliniutigineqartut
  • Sammisassat atuisunik annertuumik peqataatitsiffiusut
  • Sammisassat inuit attaveqatigiinnerannik nukittunerulersitsisut
  • Sammisassat, tapiissuteqarnikkut siunnersuinikkullu imaluunniit allanut sammisassanut kiserliornermik aamma inuuniarnikkut ajornartorsiuteqartut inuunerisa imaqarnerulernissaannik pitsaaliueqataasut

Tulliuttunut tapiissuteqartoqarsinnaanngilaq:

  • Aaqqissuussaq naammasereersimagaangat tapiiffigineqarnissamut qinnuteqartoqarsinnaanngilaq.
  • Inuit ataasiakkaat aaqqissuussaannut aamma sammisanut imigassamik aalakoornartulimmik sassaalliinertalinnut tapiissuteqartoqarneq ajorpoq
  • Suliniut inatsimmut, malittarisassanut il.il. allanut akerliussanngilaq.
  • Sammisassaqartitsinernut politikkimut tunngasunut kiisalu nalunaarutigineqareersunut tapiissuteqartoqarneq ajorpoq
  • Ingerlaavartumik ingerlatsinermut tapiissuteqartoqarneq ajorpoq.

Sammisassaqartitsinermut tapiissutit ukiumut arlaleriarlugit qinnutigineqarsinnaapput. Qinnuteqarfissap killilerneqarnera tamanut nalunaarutigineqartarpoq.
2019-imi qinnuteqarnissamut killigitinneqarpoq 1/10.

2020-mi qinnuteqarfigineqarsinnaasut killilerneqarput 1/6 aamma 1/10.

Naatsorsuusiornermut piumasaqaatit
Peqatigiiffik tapiiffigineqarsimappat, ukioq tapiissuteqarfigineqartoq ingusinnerpaamik ukiup tulliani 1, maaji nallertinnagu naatsorsuusiorneqarsimassaaq.

 

Quppernerup imarisaa qanganitsersimava?

Quppernermut naqqiutissaqarpit?