Nutaamik sanaartorusuppit, allileerusuppit, allanngortitserusuppit, isatererusuppit imaluunniit utaqqiisaasumik sanaartorusuppit? Imaluunniit inissiivissamik pisariaqartitsivit – atajuartussamik imaluunniit utaqqiisaagallartumik.
Taava aallartinnginninni akuersissummik qinnuteqaqqaassaatit. Uani akuersissummik sorlermik qinnuteqarnissat pillugu ikiorneqarsinnaavutit ilitsersuunneqarlutillu – aamma qanoq qinnuteqarnissat pillugu.
Qinnuteqannginninni ilisimasariaqakkat
Sanaartorlutit imaluunniit isaterillutit aallartinnginninni eqqaamassavat akuersissummik qinnuteqaqqaarnissat – aamma queeraannaagaluarpat imaluunniit quiinnaagaluarpat.
Suliaq annertusinnaavoq inatsiserpassualik piumasaqaaterpassualillu. Illit sanaartornermi suliaqarnermi ilaatigut sanaartornermi suliani tamani maleruagassamiittut aamma Kommunimut pilersaarummiittut malittarisassat malinneqarnissaat akisussaaffigaat. Taamaattumik innersuussutigaarput, sanaartornermi siunnersortimik oqaloqateqarnissat, taassuma suliap ingerlannera tamaat ikiorsinnaavaatit – qinnuteqarnermiit naammassisutut nalunaarutigineqarnissaata tungaanut.
Siumoortumik oqaloqatiginninneq
Kommuneqarfik Sermersuumi akeqanngitsumik siumoortumik oqaloqatiginnissinnaanermik neqerooruteqarpugut. Tassani 30-60 minutsit ataatsimiissinnaavugut, sanaartornissamut pilersaarutit aallartinnissamullu akuersissutit pigisassatit pillugit ilitsersuisinnaalluta. Uani inniminniigit
Imatut ajornannginnerusumik nunaminertamik aamma sanaartornissamut akuersissummik pissarsisinnaavutit.
- Aallaqqaammulli qinnuteqaativit atortunik pisariaqartunik imaqarnissaa aamma eqqortumik immersorneqarsimanissaa qulakkeeruk. Qinnuteqannginninni qinnuteqarnissamut piumasaqaatit misissoqqaakkit.
- Illuutinnut malittarisassat suut atuunnersut misissukkit, ass. illoqarfiup ilaanut pilersaarut, allanngutsaaliuineq imaluunniit eqqissisimatitsineq il.il. Uani pilersaarut takusinnaavat.
Misissugassat allassimaffiat
Qinnuteqaatit suut inisseriissaneritit qanorlu pissarsiarissaneritit pillugit ilitsersuutit misissugassallu allassimaffiat uani nanisinnaavatit:
- Nunaminertamik atuinissamut akuerineqarnermi eqqaamasassat
- Piginnaatitsissut: Punaminertamut sanaartornermullu akuerissut
- Nutaamik sanaartorneq
- Ilassuteqarneq allanngortitsinerlu
- Illuaraq
- Isaterineq
- Ledninginut eqqaamasassat
Akigititat
Sulianik sullissinermut akinut allattorsimaffimmi maanna akit takusinnaavatit.
Akit allattorsimaffiat 2025 (Nunaminertanut tunngasunik oqartussaqarfik)