Pisortani sulisuunngitsutut nalunaaruteqarniaruit kinaanerit isertuussinnaavat.

Kinaanivit isertuunnissaa kissaatigigukku atit mailimi allakkamiluunniit allaqqassanngilaq. Sianeruit kinaanivillu isertuunissaa kissaatigalugu atit taassanngilat, oqaluttuaannarlutilli kinaanerit isertuullugu nalunaaruteqarlutit.

Allattuisussaatitaaneq

Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaanni nr. 9, 13. juni 1994-imeersumi § 6 Allattuisussaatitaaneq il.il. naapertorlugu kommune allattuisussaatitaavoq. Tamanna isumaqarpoq atit oqarasuaatikkut, ataatsimiinnermi allaganngorluguluunniit nalunaaruteqarninni atit oqaatigigukku kinaanerit isertuunneqarunnaartoq.

Sianerfigineqaraangatta, isertuussisussaatitaaneq pillugu malittarisassat kommunillu allattuisussaatitaanera ilisimatitsissutigisarpavut. Malittarisassat taakku kinguneraat inatsisinik unioqqutitsinata ilaquttanut tunngatillugu nalunaaruteqartup kinaanini isertuutiinnarsinnaaneraa ”siumut qulakkeerisinnaannginnerput”.

Atit oqaatigereerlugu kinaanivit isertuutiinnarnissaa kissaatigigukku, assersuutigalugu ilaqutaariinni ilaasutut, saniliusutut assigisaattulluunniit ilaqutariinnut attaveqarnerit pissutigalugu, Pisortat ingerlatsineranni suliassat suliarineqartarnerat pillugu Inatsisartut inatsisaanni nr. 8, 13. juni 1994-imeersumi § 15 malillugu allagaatinik takunnittussaatitaanermi ativit ilanngunneqannginnissaa periarfissaavoq. Tamannali taamaallaat pisinnaavoq ilinnik immikkut mianerinninnissaq tunngavilersuutigineqarpat, taamaallaallu mianerinninneq taanna kiap nalunaaruteqarneranik paasitinneqarnissamik ilaqutariit pisariaqartitsinerannik mianerinninnermit pingaarneruppat.

Quppernerup imarisaa qanganitsersimava?

Quppernermut naqqiutissaqarpit?