Angajoqqaarsianngorusuppunga


Meeqqanut ilaqutariinnullu ingerlatsivik angajoqqaarsiatut oqilisaassisartutullu sulisinnaasunik pissarsiorpoq.

Nalinginnaasumik angajoqqaarsiat meeqqanik 0-18-nik ukiulinnut angerlarsimaffiup avataanut sivikinnerusumik sivisunerusumilluunniit inissinneqarsimasunik paarsisarput.

Oqilisaassisartut aamma meeqqanik 0-18-nik ukiulinnik paarsisarput, angajoqqaavi ulluinnarni atugarisaannik ikiorsertariaqalersimasut oqilisaanniarlugit.

Tassanngaannaq inissiiviusartut suliassaraat, meeqqamut tassanngaannaq inissinneqarsimasunut isumassuineq meeqqat 0-18-nik ukiulinnut, piffissami sivikitsumi annerpaamillu ulluni 30-ini paarsineq.

Meeqqat pisariaqartippaat

  • Isumassorneqarneq tapersersorneqarnerlu
  • Aaliangersimasunik avatangiiseqarnissaq
  • Aaqqissuussaasumik inuuneqarnissaq

Naatsorsuutigaarput

  • Tungiuinermik Ingerlatsivik meeqqallu angajoqqaavi suleqatigisinnaagisi
  • Timikkut tarnikkullu nukittuujunissarsi
  • Pinerluuteqarsimannginnissaq
  • Meeqqanik paarsinermik misilittagaqartusi
  • Ammasuullusilu suleqatikkuminartuunissarsi
  • Meeqqat pisariaqartitaannut nukissaqarnissarsi

Neqeroorutigisinnaavagut

  •  Siunnersorneqarneq aqqutissiuinerlu
  • Angajoqqaarsianik pikkorissaanerit
  • Malittarisassat tunngavigalugit paarsinersiutit

Soqutiginnittut uku aqqutigalugit attaveqarsinnaapput:

Nuuk +299 36 72 07 / +299 36 62 09
Tasiilaq +299 36 77 74 / +299 36 78 16
Paamiut +299 36 76 50
Ittoqqortoormiit +299 36 78 78

Imaluunniit uunga sepi@sermersooq.gl allatarlu qulequtserlugu:


Quppernerup imarisaa qanganitsersimava?

Quppernermut naqqiutissaqarpit?