Inuunissannut pisinnaatitaaffeqarputit:
- tamatumani angajoqqaavit isumagalutit
- tamatumani isumassorneqarlutit, nerisarlutit atuariartortarlutillu
- nakuusernernut siooranartunullu illersorneqarlutit
- angerlarsimaffimmi allanilu kinguaassiutitigut atornerlunneqarsinnaanernut illersorneqarlutit
- atuarfimmi ajunngitsumik ingerlasinnaallutit
Angajoqqaavit paarisinnaanngippatsit kommunimit ikiorneqartussaavutit. Meerarpassuit taamatut inuupput aamma ikiorsinnaaniassagatsigit oqartarnissat pingaaruteqarpoq. Tamanna nalinginnaasuuvoq aamma illerpiaq inuunerit pitsaanerulersinniarlugu ikiuukkumasorujussuuvugut. Angajoqqaatit pisariaqartitsippata taakku ikiorniarlugit sapinngisarput tamaat iliorsinnaavugut.
Illit meeqqatut pisinnaatitaaffippassuaqarputit, tamakku kommunip nittartagaani atuarsinnaavatit. Ajunngitsumik inuuneqarsinnaatitaanerpit paasinissaa pingaarnersaavoq – allat ilinnik annersitsinissaannut aliasutsitsinissaannullu naameersinnaatitaavutit aamma naameerneq iluaqutaanngippat uatsinnut sianissaatit, illimmi kisivit aliasunneq ersinerlu pigissanngilatit. Uatsinnik attaveqateqarnissat pingaaruteqarpoq, taamaalillutit aliasunneruleraluttuinnassannginnavit kiserliuleraluattuinnassannginnavillu.
Meeqqat oqarasuaataannut imaluunniit isumaginnittoqarfimmi pigaartumut sianerlutit oqaloqatiginninnissannut periarfissaqartuaannarputit. Kisimiillutit aliasussanngilatit aamma inersimasut meeqqalluunniit allat ilinnik iliuuserisimasaat kanngusuutigissanngilatit. Uatsinnut sianernissat pingaaruteqarpoq, tassami taamaalilluta qanoq iluarsiimisinnaanerit pillugu oqaloqatigiissutiginiassagatsigu. Kisimiillutit isertuussaateqassanngilatit, tamanna annernarpoq. Tamanna ajunngitsuunngilaq, ajunngitsuusorinngisaannassavat. Meeraavutit aamma sunaluunniit illit pisuussutiginngilat. Ajunngitsumik inuuneqartussaatitaavutit qungujulasinnaatitaallutillu.
Nittartakkami uani pisinnaatitaaffitit annertunerusumik atuarsinnaavatgit.