Kommuneqarfik Sermersuup (KS) tusarniaanermut uunga akissuteqarsinnaagami qujassutigaa.
Kommuneqarfik Sermersuup naammagisimaarinnilluni tusaatissatut tiguaa, Politikkikkut Ataqatigiissaarisoqatigiit ajornartorsiut pillugu nassuiaanermut isumaqatigiimmata kiisalu Siulittaasup Naalakkersuisoqarfiata suliaq ingerlateqqissimammagu kommunit peqataatillugit. Kommunip tusarniaanermut piffissarititap sivisussusaa aammattaaq naammagisimaarpaa.
Kommuneqarfik Sermersooq tunngaviusumik isumaqatigiissummut missingiut pillugu isumaqataavoq, ataasiakkaanik oqaaseqaatissaqarluni.
Kommunip sapaatip akunnerini 6-ini tusarniaanermut piffissarititaq naleqqussorivaa. Kommunip siunnersuutigissavaa, juulimi feeriaqartarnerup saniatigut aamma juullip nalaani feeriaqartarneq aamma nalliuttut eqqarsaatigineqarnissaat. Ullut sulinermut atorneqartartut amerlassusaat aalajangiunneqarsinnaapput sapaatip akunnerinut taarsiullugit.
Aammattaaq annertussuseq, kingunerisat pisariussusaat aamma annertussusaat sillimaffigineqartariaqarput. Inatsisissatut siunnersuutini annertunerusuni soorlu utoqqarnut tapersersuinissaq pillugu inatsimmut aamma inuit innarluutillit tapersersorneqarnissaannut inatsimmut sapaatip akunneri 6-it minnerpaapput, nalunaarutinulli annikitsumik aaqqiivigineqartussanut sivikinnerusumik tusarniaanermut piffissarititaq periarfissaalluni.
Kommuneqarfik Sermersooq inatsisit pitsaassusaasa qaffassaaviginissaannut tunngaviit piviusunngortinneqarnissaannut qilanaarpoq.
Kommunip innersuussutigerusuppaa, inatsimmik piareersaanermik suliaqarnermut piffissaq pisariaqartinneqartoq suleqatigiissitani atorneqartassasoq, kommunit suliassat pingaarnerit saniatigut “arlariinnik sukkasuumik sulisartunik suleqatigiissitaqarnissamut” isumalluuteqanngimmata.
Kommunip innersuussutigerusuppaa, najoqqutassanut aamma konto pillugu pilersaarutip akuerisap kingunerisinnaasaanut naleqqussaanerit naliliiffigineqarnerannik ilanngussisoqassasoq.
Inatsisinik tunngaviusussanik killiliussat annertunerusumik atorneqalernissaannut tunngavik kommunip ernumassutigaa aamma sinaakkutissarititaasut kingusinnerusukkut immersorneqalerpata piareersaanermut piumasaqaataasut atorneqarnissaat pillugu itisiliisoqarnissaa kissaatigalugu.
Kommunip innersuussutigaa, najoqqutassani allattorneqassasoq, ineriartornermut, misiliutinut, ilinniartitsinermut aamma piviusunngortitsinermut piffissamik naammattumik immikkoortitsisoqarnissaa, IT-systeminik nutaanik pisariaqartitsisoqartoq inatsimmut ilaappat imaluunniit kinguneruppat. Piffissami kingusinnerusumi suliffissarsiortunut ikiorsiissutit pillugit inatsimmik aamma pisortanit ikiorsiissutit pillugit inatsimmik ikorfartuisut IT-systemit annertuumik sivisoorujussuarmillu unammilligassaqarsimapput.
Piviusunngortitsinissamut piffissaq naammattoq aamma immikkoortinneqartariaqarpoq, inatsit taama annertutigisunik kinguneqartitsisussaammat, ass. najugaqarfissatut neqeroorutinut, immikkoortut assigisaasaluunniit pilersinneqarneqarnerannut, nutaamik piumasaqaatit, aningaasaqarnerup, sulisussat aamma illutigut sinaakkutissat inissinnissaannut piumasaqaatitallit.
Kommunip aammattaaq kissaatigaa, Siulittaasup Naalakkersuisoqarfiata, naalakkersuisoqarfiit nalunaarutigisimasaannik, inatsisissatut siunnersuutissat takkuttussat pillugit kommuninut paasissutissiisarnissaa.
Inussiarnersumik inuulluaqqusillunga
Ole Jakobsen
Kommunaldirektøri
Kommuneqarfik Sermersooq
ojak@sermersooq.gl