Nutaamik sanaartornissamut, allanngortiterinissamut, alliliinissamulluunniit pilersaaruteqaruit imaluunniit illumik pisisimaguit sanaartornissamut akuersissummik qinnuteqartinnak amerlanertigut nunaminertamik atuinissamut qinnuteqaqqaassaatit.
Qinnuteqartinnak sullissisumik qinnuteqaammik ilitsersuisinnaasumik oqaloqateqarnissamut ataatsimeeqateqarumasinnaavutit.
Aallarnisaatigalugu oqaloqateqarnissamut inniminniisinnaavutit attataasaq toorlugu.
Aallarnisaatigalugu oqaloqateqarneq qanoq paasisariaqarpa?
- Tassaavoq ataatsimeeqatigiinneq akeqanngitsoq 30-60 minutsinik sivisussusilik
- Suliakkiussat suliaritinnagu aallarnisaatigalugu oqaloqatigiinneq. Taamaattumik oqaloqatigiinnermut atatillugu sanaartornissamut akuersissummik imaluunniit akuersissutinik allanik tunniussisinnaanngilagut.
Inniminniitinnak makkua isumaliutigeqqaarsinnaavatit
- Illup pineqartup maannakkut pituttorsimaffii ilisimaarivigit?
- Apeqqutigisassatit oqarasuaatikkut akineqarsinnaappat, imaluunniit ataatsimeeqateqarneq pitsaanerpaassava?
- Apeqqutit suut akissuteqarfigissallugit pingaaruteqarpat?
Inniminniitinnak makku piareersimatissavatit
- Pilersaarutip allaaserineqarnera
- Pissutsinut pilersaarut
- Titartakkatut siunnersuutit/titartakkat pilersaarummut sapinngisamik pitsaanerpaamik nassuiaatitaqartut
- Ataatsimiilluni oqaloqatigiinnermi apeqqutit pingaarutillit