Tunuani sanileriit saamimmiit talerpimmut: Guttormur í Skála, Dóra Björt Guðjónsdóttir, Kjartan Magnússon. Lone Rosengreen Pedersen, Nitta Lyberth Mørch.
Saavani sanileriit saamimmiit talerpimmut: Tórshavnimi borgmesteri Elsa Berg, Nuummi borgmesterip tullia Poul Petersen, Reykjavíkimi borgmesteri Heiða Björg Hilmisdóttir.
Pingasunngornermi Nuuk Nunat Avannarliit Killit Illoqarfittut Pingaarnersaasa Aningaasaateqarfiani siulersuisut ataatsimiinneranni aaqqissuussisuuvoq, tassani sinniisut nunani avannarlerni illoqarfiit pingaarnersaasunit pingasuneersut kateripput ataatsimut suliniutinut tapiissuteqarnissaq pillugu aalajangiissuteqarniarlutik.
Nunat avannarliit killiit illoqarfittut pingaarnersaasa aningaasaateqarfiat Nuup, Reykjavikkip aamma Tórshavnip akornanni suleqatigiiffiuvoq. Kommunalbestyrelsit taakkunani illoqarfinnit pingasuneersuusut ukiumoortumik aningaasaateqarfimmut aningaasaliisarput, aningaasaliissutillu atorlugit illoqarfiit akornanni suleqatigiinnermut paaseqatigiinnissamullu atorneqarnissaat siunertaavoq – pingaartumik kultureqarnermut, ilinniartitaanermut timersornermullu tunngatillugu.
Siulersuisut tassaapput illoqarfinni pingaarnerni pingasuusuni kommunimi politikerit. Taakku ukiumut ataasiarlutik naapikkajuttarput, suliniuteqarniarlutillu qinnuteqartunut agguaanissat ilaatigut aalajangiiffigisarpaat.
Siulersuisut Nuummi ukioq manna naapimmata illoqarfiit akornanni oqaloqatigiinnermik pitsanngorsaanissamut aamma atlantikut avannaani suleqatigiinnermik ukkassinissamut peqatigitillugu periarfissanngorpoq. Siusinnerusukkut ataatsimiinnerni aningaasanik agguaanissaq taamaallaat sammineqarneq ajorpoq kisiannili misilittakkanik avitseqatigiiffiusarput aamma ataatsimoorluni suliniutinik ineriartortitsiffiusarput.
Aningaasaateqarfimmut qinnuteqarnissamut ukioq manna killigititaq tassaavoq marsip aallartinnera 2026, qinnuteqaatillu tiguneqarsimasut siulersuisut ataatsimiinneranni suliarineqarput.