Kommuneqarfik Sermersuumi innuttaasut eqaannerusunik atugassaqartinneqalerput tapersersorneqarlualerlutillu, “Majoriap Inaarutaasumik misilitsitsinera” nutaaq ingerlakkaangamikku. Suliniut pillugu suleqatigiissitaniit nalunaarusiarineqartup kingulliup takutippaa iluseq nutaaq taanna pitsaasumik misilittagaqarfigineqartoq.
Atuartitsineq 2023-mi aasaanerani Nuummi aallartippoq massakkullu Paamiunut Tasiilamullu siaruarsimalluni. Ilutsip taassuma nutaap siusinnerusukkut neqeroorutaasimasoq taarserpaa, innuttaasut meeqqat atuarfianni inaarutaasumik misilitsinnissamik pisariaqartitsisut namminneq inuunerminnut tulluarsakkamik atugassaqarlutik meeqqat atuarfianni inaarutaasumik misilitsissinnaaniassammata. Naak misilitsinnerup ilusaa taannaagaluartoq tassunga aqqut annertuumik allanngortinneqarpoq innutaasut ataasiakkaat pitsaanerusumik tapersersorneqarniassammata.
“Majoriap inaarutaasumik misilitsitsinera atorsinnaasoq takusinnaavarput. Innuttaasut amerlanerit ineriartoqqinnissaminnut ersarinnerusumik tulluarsagaalluartumillu ingerlasinnaapput. Majoriaqarfinni tamatuma innuttaasunut allanngortitsisinnaanera nuannaarutigivara”, Justus Hansen Isumaginninnermut Inunnullu Innarluutilinnut Ataatsimiititami siulittaasoq oqarpoq.
Paasisitsinermik ingerlatsineq modulillu najoqqutassat pitsaasut piumassuseqartitsisut
Siusinnerusukkut atuartitsinermi ileqqutoqqat malillugit atuartitseriaaseq ingerlanneqarsimavoq. Ullumikkut misilittakkat nalunaarusiameersut ersersippaat pingaartumik suliniutit marluk pitsaasumik ineriartortitsisuusut:
- Introklassen: Atuartut atuartitsinerup suliaqarneq tunngaviginerullugu ingerlanneqarnissaannik ilisimatinneqaqqaartarput. Tassani aqqutissiuussinissaq qitiutinneqartarpoq aamma atuartup ataasiakkaap kissaatai fagini soorlu sannavik, nutaaliorneq, atuarfimmut piareersarneq inuttut ineriartorneq aamma IT paasiniarneqartarput
- Modulikkaartumik atuartitsineq: Atuartitsineq massakkut modulinngortinneqarpoq. Tassalu innuttaasup ataasiakkaap ulluinnaa pisinnaaneralu eqqarsaatigalugit tulluarsarneqarluni skemaqartinneqarpoq
Majoriap kommunimi inaarutaasumik misilitsitsinerata siunissaa
Suleqatigiissitaq nalunaarusiami ersarissumik naliliivoq aaqqissuussineq nutaaq eqaatsorlu innuttaasunut pitsaanerusumik atugassaqartitsisoq. Taamaattumik Kommuneqarfik Sermersooq Majoriap inaarutaasumik misilitsitsisarneranik attassiinnarniarpoq suliniutitut attassassatut. Ingerlatsineq ullumikkut Nuummi, Tasiilami aamma Paamiuni Majoriap ingerlanneqarnerani qitiusut ilagivaat.
Nalunaarusiaq atuarusuppiuk?
Nalunaarusiaq ilisimatitsissutitut Kommunalbestyrelsimi saqqummiunneqarpoq ulloq 25 marsi 2026, uanilu nanineqarsinnaalluni:
Majoriami Inaarutaasumik misilitsinnerit 2025 nalunaarutiginerat
Majoriami 2025-imi Inaarutaasumik misilitsinneq pillugu nalunaarusiamik eqikkaaneq
Annertunerusumik paasisaqarusuppit?
Majoriami ingerlataqarneq ilinnut soqutiginarpa? Sumiiffimmi Majoriaq attavigiuk illit periarfissatit pillugit pituttuinngitsumik oqaloqateqarnissaq pillugu. Majoriaq nammineq takkunnikkut aamma oqarasuaatikkut attavigineqarsinnaavoq piffissami ataasinngorneq – sisamanngorneq nal. 10 – 14 tallimanngornermilu nal. 10 – 12.
Majoriaq Nuuk
Jens Kreutzmann-ip Aqqutaa 7, Nuuk
Oqa: +299 36 80 70
Email: majoriaqnuuk@sermersooq.gl
Majoriaq Paamiut
William Jens’ Vej B-129, Paamiut
Oqa: +299 36 66 00
Email: majoriaq-paamiutadm@sermersooq.gl
Majoriaq Tasiilaq
Ujuaap Aqqulaa B-184, Tasiilaq
Oqa: +299 36 78 35
Email: majoriaq-tasiilaqadm@sermersooq.gl
Majoriaq Ittoqqortoormiit
Oqa: +299 58 79 34