Nunani Tamalaani Arnat Ulluat nalliussineqartoq malillugu Kittat suleqatigalugu Katersugaasivik – Nuutoqaq, Nunatta Katersugaasivia, Nunatta Atuagaateqarfia kiisalu Nuummi Eqqumiitsulianik Saqqummersitsivik arnat inuiaqatigiinni pingaarutilimmik inissisimanerat – kalaallisuut assuutit ukkataralugit ersersitsiniarput.
Aaqqissuussineq arnat oqaluttuarisaanermi ullumikkullu inuiaqatigiinni tunniussimasaannik ataqqinninnermik ersersitsivoq, aammalu kalaallisuut kulturikkut kingornussatut, kinaassutsimik ersersitsisutut aammalu eqqumiitsuliornikkut saqqummiussatut ukkatarineqassallutik.
Ullormi tassani aaqqissuussaq – ilanngussatut nassiunneqartoq malillugu – innuttaasut eqqumiitsulianik, paasissutissiinernik ataatsimoornernillu assigiinngisitaartunik misigisaqarnissamut qaaqquneqarput.
Kalaallisuut tassaannaanngillat ileqqut assallu atorlugit suliat. Kalaallisuulli aamma arnat nukittussusiannik, pilersitsisinnaassusiannik aalajaatsuuneranillu kinguaariinni ersertitsisut. Kittat suleqatigiinnikkut aaqqissuussaq una aqqutigalugu, arnat kulturimi, oqaluttuarisaanermi ullumikkullu inuiaqatigiinni pingaaruteqartumik inissisimanerat ersersinniarneqarpoq.
Neriuutigaarput innuttaasut ullormik malunnartitsinermut peqataajumaartut.