Qeqertani Nuummi sanaartorfissat sanaartorfigineqarsinnaasut nalunaarutiginerat

Immikkoortup ilaani 2B2 Containereqarfimmi sanaartorfissat sanaartorfigineqarsinnaasut kommunip matumuuna nalunaarutigai. Sanaartorfissat tamarmik inuussutissarsiuteqarfittut atugassiaapput.

Kommunimut pilersaarummut tapiliussami immikkoortoq 2B2 Containereqarfik, Nuuk marsimi 2021-meersoq iluamik paasiniarluarnissaa pingaaruteqarpoq.

Kommunimut pilersaarummut tapiliussaq Sanarfinermut Avatangiisinullu Ingerlatsivik saaffigalugu pissarsiarineqarsinnaavoq, imaluunniit kommunip nittartagaani https://kp.sermersooq.gl atuarneqarsinnaavoq.

Suut sanaartorneqarsinnaappat:

Immikkoortoq B: Inuussutissarsiorfittut umiarsualiveqarfittullu siunertaq, Immikkuualuttoq B inuussutissarsiornermi siunertaqarnermi allaffinnut, entreprenørit suliffeqarfiinut, toqqorsivinnut, tunisassiornermut, quersuaqarnermut assartuussinermullu atugassatut aalajangersarneqarpoq. Immikkuualuttumi nunaminertat kiassaateqarfinnut aamma teknikkeqarfinnut immikkoortumi nunaminertanik atugaqarsinnaanermut piginnittunut atugassiissutigineqarsinnaasut.

Immikkuualuttoq C inuussutissarsiornermi siunertaqarnermi allaffinnut, entreprenørit suliffeqarfiinut, toqqorsivinnut, umiarsualivinnut tunngasunik niuernermut; taakkununnga ilanngullugu umiatsianik aamma orsussanik tuniniaanermut, nioqqusiornermut, qaqitsinermut assartuinermullu.

Sanaartorfissagissaaneq

Sanaartorfissat 8, 10, 16 aamma 18 akornanni sanaartorfissaq ataaseq kisiat qinnuteqarfigineqarsinnaavoq.

Sanaartorfissanut sanaartorfissagissaanermut akiliutit imaassapput

Qinnuteqartumit sanaartorfissat sisamat tamarmik pingaarnersiorlugit nalunaarsorneqarsimassapput, taakkunani qinnuteqartumut salliunneqartoq qinnuteqartumut allamut tunniunneqassagaluarpat.

Qinnuteqarfissaq qaangiuppat, qinnuteqaatit malittarisassanik malinnissimanersut nalilersorniarlugit misissorneqassapput. Malittarisassat malinneqarsimanngitsut paasineqarpat qinnuteqartut malittarisassanik unioqqutitsisut peerneqassapput.

Nunanit allanit qinnuteqartoqarnersoq maluginiarneqassaaq

Inatsisartut inatsisaat nr. 78, 21. November 2025-imeersoq naapertorlugu Pigisanik aalaakkaasunik piginnaatitaaffimmik pisisarneq imaluunniit atuisinnaatitaaneq pillugu akuersissut

Qinnuteqartut, inatsisartut inatsisaat nr. 78 naapertorlugu Pigisanik aalaakkaasunik piginnaatitaaffimmik pisisarneq imaluunniit atuisinnaatitaaneq pillugu §§ 3–8-imi aalajangersarneqartunik piumasaqaatinik naammassinninngitsut, qinnuteqaammut ilanngutissavaat Naalakkersuisut siumoortumik allakkatigut akuersissutaannik, Kalaallit Nunaanni nunaminertamik atuinissamut pisinnaatitaaffimmik pissarsiniarnermut tunngasoq, inatsisip § 9.

Qinnuteqartut §§ 3–8-imi piumasaqaatinik naammassinnittut, tassunga atatillugu annertunerusumik iliuuseqassanngillat.

Kikkut qinnuteqarsinnaappat:

• Kinaluunniit inuk, suliffeqarfik, ingerlatseqatigiiffik peqatigiiffilluunniit inatsisitigut akuerisaasoq nunaminertamik qinnuteqarsinnaavoq. Eqqumaffigiuk qanigisariit arlalinnik qinnuteqarsinnaanngimmata.
• Makitsinermi qinnuteqarsinnaatitaasut tamarmik makitsinissamut ataatsimik peqartarnerat tunngaviusarpoq. Taamaalillunilu katissimallugu aapparisaq, inuit illoqatigiinneersut, imaluunniit inuit allat aamma/imaluunniit suliffeqarfiit qinnuteqaammut tunngatillugu annertuumik soqutigisaqarlutik attuumassutillit – qinnuteqarsinnaanngillat. Aammattaaq suliffeqarfiit inuilluunniit suliffeqarfimmi tamakkiisumik ilaannakortumilluunniit piginneqataasut, suliffeqarfiup aqunneqarneranut peqataasut allatulluunniit suliffeqarfimmut aqutsisunulluunniit qanittumik attuumassutillit nunaminertamik atuinissamut uani neqeroortitsinermut ataatsimik amerlanernit qinnuteqarsinnaanngillat. Suliffeqarfinnut, suliffeqarfissuarmut attuumassutilinnut aamma tamanna atuuppoq. Assersuutigalugu aappariinnut marluusunut, imaluunniit ingerlatseqatigiiffimmut taassumalu pisortaanut, imaluunniit ingerlatseqatigiiffinnut marlunnut ataatsimik pingaarnertut aningasaliisoqartunut il.il. immikkut qinnuteqarnissaq inerteqqutaavoq.

Qinnuteqaammut ilanngunneqassapput

1. Sanaartorneq pillugu allaaserinninneq
2. Sanaartornissamut piviusorsiortumik piffissamik pilersaarusiorneq, nunaminertamik atuinissamut inniminniinermut nunaminertamillu atugassinneqarnermut sanaartornissamullu akuersissutitalimmik piffissaritinneqartunik atuuttunik malinnittumik.
3. Pingaarnersiuinermi allattorsimaffik 1 – 4 sanaartorfissanik pingaarnersiukkat
4. Aningaasaliisinnaassuseqarnermik uppernarsaat: Qinnuteqartup uppernarsassavaa sanaartornissamut qinnuteqaammik piviusunngortitsinissamut aningaasaqarnikkut sapernagu inatsisitigut piffissaliunneqartut iluanni. Bankimit aningaaserivimmilluunniit qinnuteqartup qinnuteqarfiata nalaani aningaasaqarnikkut pissutsit atugai pillugit piviusumik naliliinikkut naliliisimaneq tunngavigalugu nalunaaruteqarnikkut uppernarsarneqassaaq, qinnuteqartoq sumiiffimmi qinnuteqaatigineqartumi pisariaqanngitsumik kinguaattoorani sanaartornermut aningaasaliissutissanik matussutissanik pissarsinissaminut piginnaasaqartuusoq. Uppernarsaanermi qinnuteqartup ukiuni arlalinni atorunnaarsinneqarsinnaanngitsumik attartortitsisuunini pillugu aalajaatsumik attartortoqarnera imaluunniit pissutsit tassunga assingusut, apeqqutaatinneqassanngillat. Sanaartugassap aningaasalerneqarnissaanut qularnaarisumik qinnuteqartup nammineq aningaasaqarnera naapertuutissaaq. Banki aningaasaateqarfilluunniit uppernarsaanermi nalunaarutigissanngilaa inatsisitigut pisussaaffeqarani, tassami banki nalunaarutiginninnerup imminiinnarmut tunngannginngitsuuneranut atatillugu pisussaaffeqarpoq, nalinginnaasumik akiligassaqartitsinermut atatillugu naliliinermut tunngaviit malillugit.
5. Qinnuteqartoq nunaminertamik atuinissamut inniminneereersimappat imaluunniit sanaartorfigineqanngitsunut nunaminertanik atuinissamut tunineqarsimappat, nunaminertamik annermik pisariaqartitsineq ersarissumik paatsuugassaanngitsumillu uppernarsaasersorneqarsimassaaq. Tamanna uppernarsaasersorneqarsinnaanngippat imaluunniit nunaminertanik siornatigut sanaartornissamut annertuumik kinguaattoorfiusoqarsimappat, qinnuteqaammik itigartitsisinnaanini ingerlatsivik pisinnaatippoq.
6. Pisortanut akiligassanik akilerneqanngitsunik peqannginnermut tunngasunik ilumoorluinnarluni uppernarsaaneq. Ilumoorluinnarluni nalunaarummi qinnuteqartup Kommune Akileraartarnermut Aqutsisoqarfimmut oqartussanulluunniit attuumassuteqartunut allanut akiitsoqarsinnaanermut tunngasunik paasissutissanik aallersinnaaneranik piginnaatissavaa. Qinnuteqartoq pisortanut kr. 100.000 sinnerlugit akiligassaqaruni, matumanilu sanaartorfissagissaanissamut piginneqataalluni akilersimanngisaminik, qinnuteqaat itigartinneqassaaq.

Qinnuteqaatit tamakkuninnga paasissutissanik uppernarsaatinillu imaqartut kisimik ilanngunneqassapput. Qinnuteqaatip tamakkiisuunissaa eqqortumillu paasissutissiinissaq qinnuteqartup akisussaaffigaa. Qinnuteqarfissatut piffissaritinneqartoq qaangiutinnginnerani qinnuteqaatit kommunimit misissorneqarneq ajorput.

Nunaminertamik inniminniinissamut qinnuteqarnissamut immersugassaq sermersooq.gl-imi imaluunniit linkimi uani aajuk:

Nunaminertamik inniminniinissamut qinnuteqarfissaq

Qinnuteqarnissamut periarfissarititaasoq

Qinnuteqaatit tamarmik 20. April 2026 sioqqullugu imaluunniit kingusinnerpaamik ulloq taanna nal. unnuap qeqqartinnagu tiguneqarsimasut ataatsikkut tiguneqartutut isigineqassapput. Qinnuteqaatit 20. April 2026 unnuap qeqqata kingornatigut tiguneqartut ilaatinneqassanngillat.

Tunniussisarnermut suleriuseq

Piumasarineqartunik naammassinnissimasut akornanni Kommuneqarfik Sermersooq makitsissaaq qinnuteqarnissamut piffissaliussap ilimagisamik sapaatit-akunneri sisamat kingornagut. Sumi qaqugulu makitsisoqassanersoq pillugu qinnuteqartut nalunaarfigineqarumaarput. Makitsineq kikkunnut tamanut ammavoq kommunillu nittartagaatigut facebookikkullu qupperneratigut nalunaarutigineqarumaarluni.

Aammattaaq Kommuneqarfik Sermersuup nunaminertamik atugassiisarnermik nalinginnaasumik aalajangersagai innersuussutigineqarput.

Annertunerusumik paasissutissat Sanarfinermut Avatangiisinullu Ingerlatsivimmit pissarsiarineqarsinnaapput, sai@sermersooq.gl una EMN-2026-00228 innersuussutigineqarluni

Nunaminertamik atuinissamut inniminniinissamut qinnuteqaat elektroniskinngorlugu uunga nassiunneqassaaq sai@sermersooq.gl ilisarnaaserlugu 2B2 Qeqertat – EMN-2026-00228