Nuummi Aallarnisaanermik aamma Eqqumiitsuliornermik Illu nutaaq inerisarniarlugu Kommuneqarfik Sermersuumi pingasunngormat oqaloqatiginninnerit aallartinneqarput. Illu pikkunarnerusunik nutaaliorfiullunilu pilersitsiviussaaq aamma assigiinngitsunik suliallit ingerlataqarfiillu akornanni pitsaanerusumik suleqatigiinnissamut, suliaqarnissamut ataatsimuussuseqarnissamullu periarfissiissaaq.
Oqaloqatigiinnissamut naapeqatigiiffiusoq Nuummi Aallarnisaanermik aamma Eqqumiitsuliornermik suliallit assigiinngitsuneersut 50-it sinneqartut katersuupput. Tassani illup ineriartortinneqarnissaanut eqqumiitsuliortut aallarnisaasullu akunnerminni suliaminnullu uummarissaataasinnaasunik piginnaasaminnut iluaqutaasinnaasunut tunngasunik siunnersuuteqarsinnaapput. Illumi imarisassaanut atuuffissaanullu tunngasut ulluinnarni atuisuusussat eqqumiitsuliortut aallarnisaasullu qanimut suleqatigalugit ilusilersorneqassapput.
“Avatangiiserisatigut nammineq pisariaqartitat isumassarsiallu sikkerartitsivigineqarsinnaanngorlugillusooq illumik pilersitserusuppugut. Eqqumiitsuliortut aallarnisaasullu namminersorlutik sulisinnaanissaannut ataatsimuussuseqarnermillu misigiffigisinnaasaannik inissaqartariaqarput. Taamaattumik suliniutip iluatsinnissaanut oqaloqatigiinneq pingaarutilerujussuuvoq,” Kommuneqarfik Sermersuumi inuussutissarsiornermik aallarnisaanermillu sullissivimmi siunnersortaanerusoq, Susanne Bisgaard Rasmussen oqarpoq.
Kommuneqarfik Sermersuumiit qujassutigineqarpoq, illumi sinaakkutissanut tunngatillugu suleriaqqinnissamut atorluarsinnaasunik siunnersuuteqarnissamut amerlasuut peqataarusussuseqarluarmata.
