Paamiuni innuttaasut katersortarfimmi Taqqissuuni januaarip ulluisa 22-anni 2026 nal. 16.30-miit 19.00-ip tungaanut ataatsimiisinneqarput. Qulequtarineqarpoq: “Paamiut eqqaanilu inuussutissarsiornerup takornariaqarnerullu sammivilersorneqarnissaannut peqataagit.”
Kommuni inuussutissarsiornikkut nutaamik politikkiliorniarmat innuttaasut ataatsimiisinneqarput. Politikkip innuttaasut ilisimasaannik, misilittagaannik isumassarsiannillu tunngaveqarnissaa qulakkeerniarlugu innuttaasut peqataatinneqarput.
Inuit 21-t peqataapput.
Aallarniilluni saqqumiisoqareermat peqataasut gruppinut pingasunut avinneqarput: kalaallisut oqaasillit gruppit marluk, danskisullu oqaasillit gruppi ataaseq. Oqallilluartoqarpoq allattuisoqarlunilu. Gruppini sulinerup kingorna gruppit tamarmik saqqummiussipput, kingornalu inuussutissarsiornikkut politikkiliornissamut atorneqassallutik.
Innuttaasunik ataatsimiisitsineq pingaarutilinnik paasisaqarfiuvoq, sumiiffimmilu takornariaqarnermik inuussutissarsiuteqarnermik siusarsaanermut atorneqarsinnaallutik.
