Kommuneqarfik Sermersuumit massakkut Nuummi angerlarsimaffimmi ikiortini sulisussaaleqineq nalaatarineqarpoq. Tassa imaappoq, angerlarsimaffimmi ikiortit utaqqiisaasumik sullissinerup qaffasissusaanit appasinnerusumik ingerlanneqarpoq.
Kommunip atorfiit inuttaqanngitsut inuttalerniarlugit sulissutigaa, taamaattorli atorfiit inuttaqannginneranni, sullissinerup qaffasissusaanik annikinnerusumik, tassa ajornartoornermi iliuuserineqartussatut taaneqartunuinnarmut atuuttussamik upalungaarsimanikkut aallartitsisoqarpoq.
Ajornartoornermi iliuuserineqartussat marsip aallaqqaataata tungaanut atuuttussatut naatsorsuutigineqarput.
Ajornartoornermi iliuuserineqartussat qanoq isumaqarpat?
Ajornartoornermi iliuuserineqartussani inuuniarnermi pingaarutilimmik ikiorserneqarnissaq ilaavoq, tassunga ilanngullugit:
- Nerisassanik piareersaanermut imertarnissamullu ikiorneqarneq
- Perusuersartarneq
- Nakorsaatinik iisinissaq pillugu eqqaasinneqarneq
- Pisiniarneq
- Alersinik iluaqutersuutinik atisinissamut/peersinissamut ikiorneqarneq
- Nangermik taarsiinissamut ikiorneqarneq
- Qanermik eqqiartinneq kigutigissartinnerlu
- Atisaajarneq atisalersornerlu
- Timi tamakkerlugu asattortinneq
Angerlarsimaffimmi ikiorsiissutit allat tamarmik utaqqiisaasumik unitsinneqarput, naammattunik sulisoqaqqilernissaata tungaanut.
Kommuneqarfik Sermersuumi utoqqarnik suliassaqarfik qanigisaasut kaammattorusuppai angerlarsimaffimmi ikiorteqartartut ikiortassallugit.
Kommuneqarfik Sermersooq pisarissersuutaasinnaasunut ajornartoornermik kinguneqartitsisinnaasunut ajuusaarpoq, pisorlu innuttaasunut qanigisaasunullu ernumatitsisinnaanera pillugu paasisinnaallugu. Nalinginnaasumik ingerlaleqqinnissaq sukkanerpaamik sulissutigineqarpoq.
Angerlarsimaffimmi ikiortitut sulilerneq
Angerlarsimaffimmi ikiortitut sulilerusukkuit Imaneq 30-mi, alliup tullianut (1. sal) saaffiginnissinnaavutit. Isertarfik aqquserngup sanianiippoq (Akikip Sun Setillu/bowlingertarfikup qulaani).
Sika imaluunniit Kista apeqqutigineqassapput, ulluinnarni nal. 8.00-14.00, imaluunniit oqarasuaammut uunga attavigalugit 53 73 60.
Piaartumik sulilerniaraanni pinerluuteqarsimannginnermut uppernarsaat aamma akileraartarnermut allagartaqnassarneqassapput, kingornalu sukkakannersumik aallartittoqarsinnaavoq.