Piffissami nalorninartutut misigiffiusinnaasumi Nuummi innuttaasut nuannaarlutik, nipilersorlutik illartarlutillu ataatsimoorput.
Ippassaq Kommuneqarfik Sermersuumit aaqqissuunneqartumi akeqanngitsumik tusarnaartitsinermi kulturikkut illorsuarmi Katuami pisariaqartinneqartumik nipilersorpalaartoqarpoq illarpalaartoqarlunilu. Aaqqissuussinermi pisariaqartitsiffiusumi illoqarfimmi innuttaasunut toqqissisimanartumik ataatsimoorfiusinnaasumik pilersitserusussimavugut.
Sapaammi Ivaana aamma Nahome & Hans Jukku nuannersumik tusarnaartitsipput aamma tusarnaariat 400-t missaanniittut John Hansen Glenn Møllerilu ataatsimut erinarsoqatigivaat kiisalu quiasaarisartoq Piitaannguaq Alaufesen illaqatigalugu.
