Ippassaq ilungersuussilluartumik toqqaasoqaqqippoq. Taamaalillutik 2025-mi ilungersuussilluartut sisamat toqqarneqarput. Ilungersuussilluartumut nersornaasiineq tassaavoq Kommuneqarfik Sermersuumit kommunimi innuttaasunut, immikkut iliuuseqartartunut nersualaarneqartariaqartunullu tunniunneqartartoq.
Nersornaaserneqartut sisamaasut tassaapput:
- Paamiut: Ulrik Anthonsen
- Tasiilaq: Louis Jonathansen
- Ittoqqortoormiit: Lone Madsen
- Nuuk: Ivalu Petersen
Paamiut: Ulrik Anthonsen
“Ataatsimoortuunermut peqataajuartarnissatsinnik Ulariup takutippaatigut,. Utoqqalinersialittut eqqissisimaarsinnaagaluarpoq – ullulli tamaasa illoqarfik pillugu iliuuseqartarnissani toqqartarpaa. Eqqakkanik ujaraaqqanillu katersisarpoq, Paamiullu kusanartuulluni najoruminartuunissaa isumagisarlugu.
Imatut annertuutut isumaqarfiginanngikkaluarput, kisianni assorsuaq pingaaruteqarpoq. Ulariup eqqaasittarpaatigut annikitsunnguamik iliuuseqartarnikkut, taakkulu ullut uteqattaarneratigut, ataatsimoorneq pinngortinneqartarmat.
Tamatsinnut maligassiuisuuvoq, eqqaasitsisuullunilu pimoorussineq isumassuinerlu qanorlunniit ukioqaraluaraanni ingerlanneqarsinnaaneranik,” Dorthe-Marie Mogensen-Fontain oqarpoq.
Tasiilaq: Louis Jonathansen
“Najukkami inuiaqatigiinni akisussaaffimmik tigusineq qanoq isumaqarnersoq pillugu Louis maligassiuisuuvoq. Illoqarfipput saligaatsuutinniarlugu, orniginartuutinniarlugu nuannersuutinniarlugulu – uagutsinnut maani najugaqartunut aamma tikeraartunut avataaneersunut – malugeqqunani qasujaalluni sulivoq.
Suliniutaa Tasiilaq kusanarnerulersiinnanngilaa, taamaattorli ataatsimut tulluusimaarnermik aamma pilersitsivoq. Louis aallartitaqaraangat allat malinnaasarput – taamaalillugulu ajornanngitsuaqqamut pingaaruteqaqisumullu soorlu illoqarfitsinnik paarsinerup tungaatigut ataatsimoorneq annertusiartortarpoq.
Louis, nukittunerpaamik ataatsimoorfeqarneq inuup ataatsip allannguinissaminut piumassuseqarneranit akulikitsumik aallarnerfeqartartoq takutippat,” Hjørdis Viberg oqarpoq.
Ittoqqortoormiit: Lone Madsen
“Lone inuuvoq, ukiorpassuarni illoqarfimmi ataatsimoornerit ilarujussuannik pilersitsisartoq – nipaatsoq, aalajangersimasoq uummatigissorlu. Paarsisor-imi aqutsisutut, mersortarfimmi aamma meeqqat ornittagaanni Kammami kajumissutsiminik suleqataasutut, periarfissanik, ataatsimoornermik amerlasuunullu toqqissisimanermik pilersitsivoq.
Allat saqqummernissaannik, nutaanik ilikkagaqarnissamut amerlasuullu akornanniinnissaannut periarfissiisarpoq. Taamaaliornissamut nukissaqarluartariaqarpoq, akisussaassutsimik misigaluni tunniussimalluarlunilu – tamakku tamarmik, ilungersuussilluartumut eqqortumut ilisarnaataapput.”
Nuuk: Ivalu Petersen
“Ivalu assassukkaminut tunniussimalluinnartuugami nuannarisaqarluinnartuullunilu sunngiffini tamaat ammerisarnerup kusanartup attatiinnarneqarnissaanut ingerlateqqinneqarnissaanullu atortarpaa. Unnuit tulleriiaartarlugit ilisimasaminik allanut ingerlatitseqqiisarpoq – ammasuujuarluni, naammagittarluni pimoorussiuarneralu tuniluuttarpoq.
Ileqqut ataatsimoornerlu imminut ataqatigiittuusut takutittarpaa, inuullu ataatsip suliniuteqarnera amerlasuunut maligassiuisuusinnaavoq. Ivalu tamanut maligassiuisunngorsimavoq, tunniusseqqinnerup qanoq pingaaruteqartigineranik upperinnittunut, massakkullu nammineq piumassutsimik suliaqarnerup ataatsimut kulturitta qanoq pitsaanerulersinneqarsinnaaneranut takussutissaavoq,” borgmesteri Avaaraq Olsen oqarpoq.
