Timersornerup silarsuani angusarissaarsimasut Timersortartut Ulluat 2026-mi ippassaq nersornaaserneqarput. Kommuneqarfik Sermersooq timersortartunik ukiumoortumik Inussivimmi ippassaq nersornaasiimmat innuttaasunit peqataaffigilluarneqarpoq.
Laali Berthelsen scenemiit saqqummiisuuvoq aamma SIGU & Rene Brandt nipilersorput kiisalu qitimmik takutitsisoqarluni.
Maria Grødem ukioq manna timersullammanngorpoq, taassuma funktionel fitnessimi pissartanngorniunnerni arlalinni angusarissaarnini nersornaaserneqaatigai.
Ukioq manna nersornaaserneqartut ukuupput:
Ukioq manna piukkunnaatilik: Angutinnguaq Nielsen (timikkut attortarluni timersuut)
Ukioq manna sungiusaasuullammak: NS-84-mi sungiusaasoqatigiit (sangusaartartut)
Ukioq manna aqutsisuullammak: Enok Petersen (Siggarta)
Ukioq manna iligiillammaat: Qeersaat (utoqqaat timersortartut)
Kajumissaasiineq: Ane Marie Knudsen (kajumissutsiminik suliaqartoq)
Ukioq manna timersullammak: Maria Grødem (funktionel fitness)
