Kommunerput inuussutissarsiornikkut nutaamik politikkiliorniarpoq, Inuussutissarsiornermut immikkoortortaqarfik, inuussutissarsiornikkut politikki aamma Paamiuni takornariaqarnikkut tamakkiisumik pilersaarummik imaqartumik suliaqassaaq.
Kissaatigineqarporlu sumiiffinni (Paamiuni eqqaanilu) ilisimasat aallaavigalugit tamanna suliarineqassasoq.
Paamiuni innuttaasut aamma inuussutissarsiornikkut ingerlataqartut peqataatinneqarnissaat siunertaralugu, innuttaasunik ataatsimiisitsinissaq aaqqissuunneqarpoq, inuussutissarsiornerup takornariaqarnerullu sammivilersorneqarnissaannut ilusilersueqataasoqarniassammat, aammalu sammiviliinermi pisariaqartinneqartut kiffartuussinermilu misigisat, amigaatigineqartullu pillugit ilusilersueqataasoqarniassammat.
Taamaattumik Paamiuni innuttaasut januarip 22. januar 2026 ataatsimeeqatiginissaannut qaaqquneqarput.
Peqataagit isumassarsianik, kissaatinik misigisanik/ilisimasanillu avitseqatigaluta.
- Maani takornariaqarneq qanoq-ittoq kissaatigaarput?
- Inuussutissarsiornikkut sumut sammisumik Paamiuni eqqaanilu ineriartortitsissaagut?
- Inuussutissarsiornikkut ineriartorneq sumut sammisumik nakussassassavarput/siuarsassavarput/inerisassavarput, maanilu periarfissat amerlisarlugit?
Innuttaasunik ataatsimiititsineq: Inuussutissarsiorneq Takornariaqarnerlu Paamiuni
📅 Sisamanngorneq januaarip 22-iat 2026
🕠 Nal. 16:30–19:00
📍 Katersortarfimmi – Taqqissuut
Qallersugaqarlunilu imeruersaateqassaaq