Nutartigaq: Suliariumannittussarsiornermik kinguartitsinermut pissutaasoq erseqqissarlugu allaaserisaq decembarip ulluisa 16-i 2025 nutarterneqarpoq.
Nuummi naluttarfiup iluarsartuunneqarnissaa marts-ip aallaqqaataani 2026-mut kinguartinneqarpoq. Kinguartitsinermut pissutaavoq naluttarfiup iluarsartuunneqarnissaani suliariumannittussarsiornermi decembarip ulluisa 16-iat aallartiffissatut pilersaarutaagaluartoq, suliarinnittussat januaarip ulluisa 16-iannut kinguartikkusullugu kissaatigimmassuk, pissutigalugu piffissaq sulinissaminnut pilersaarusiaannut tulluarnerummat. Taamaammat iluarsartuussinissamut piffissaq allanngortinneqarpoq.
Tassa imaappoq siornatigut nalunaarutigineqaraluartutut naluttarfik januaarip aallaqqaataani 2026-mi matussanngilaq. Iluarsartuussinissamulli atatillugu naluttarfiup matuneqarnissaa marsip ulluisa aallaqqaataata 2026-p kingorna aatsaat pisinnaassaaq.
Silaannarissarfiulli pitsaannginnera erseqqissaatigissavarput. Silaannarissaallu atorsinnaajunnaassappat naluttarfik matulertorneqartariaqalersinnaavoq.
Pisut allanngussappata soorunami innuttaasunut paasissutissiipallakkumaarpugut.
Qujanaq paasinninnissinnut.