Ukiap ingerlanerani Kommuneqarfik Sermersuumi atuarfinni assigiinngitsuni Inuusuttut Kommunalbestyrelsiannik qinersisoqarpoq, tassani kommune tamakkerlugu meeqqat inuusuttullu namminneq piukkussaminnik taasisinnaallutik. Tiguartisimanartumik qineqqusaartoqareersoq aammalu qineqqusaartut, qinersisartut ilinniartitsisullu tunniusimallutik sulilluareermata taasinerit kisinneqarput.
Inuusuttut qinersereerput aammalu Kommuneqarfik Sermersuumi inuusuttut kommunalbestyrelsiat nutaaq katiterneqareerpoq. Maanna ilaasortat piffissami aggersumi isumassarsiatik soqutigisatillu pillugit inuusuttoqatitik sinnerlugit sulisussanngorput. Qineqqusaarnermi arsaattarfiit, pinnguartarfiit nutaat atugarissaarnerunissarlu pingaarnertut sammineqarput.
Borgmesteri Avaaraq Olsen oqarpoq:
– Qinersinerup nalaani inuusuttut qanoq tunniusimatiginerat tupigusuutigaara. Sakkortuunik isummersortartut ersarippoq, najukkaminnilu namminneq sunniuteqaqataarusullutik, nuannaarutigaaralu takusinnaagakku sammisat pingaarutillit qanoq ukkataritigigaat. Inuusuttut kommunalbestyrelsiata isummersuutit tamakkua kommunimi sulinermut apuutissagunikkit qitiusumi inissisimavoq – suliniutaasalu malinnaaffiginissaat qilanaaraara.
Inuusuttut Kommunalbestyrelsiani ilaasortat nutaat 12-it tassaapput:
- Aliaana Lyberth Olsen, Kangillinnguit Atuarfiat
- Benjamin Christensen, Nuuk Internationale Friskole
- Bent Sanimuinaq, Isertup Alivarpia
- Hans Nakínge, Kulusumi Alivarpi
- Ivaana D. Kielsen, Atuarfik Tuiisaq
- Maren Maratse, Kuummiini Alivarpik
- Mina Sanimuinaq, Sermiligaap Alivarpia
- Nivi Kielsen, Nuussuup Atuarfia
- Rolf Føns Jensen, Atuarfik Hans Lynge
- Ruben Pike, Ejnar Mikkelsenila Aluarpia
- Tony Isaksen Gillich, Atuarfik Inussuk
- Vittunnguujuk Sivertsen, Tasiilami Alivarpi
Atuarfinni ataasiakkaani ilaasortaatitaqartuni qinigassanngortittoqarsimanngimmat matumani qinigaaffimmi inuusuttut Kommunalbestyrelsesimi peqatassanngillat.
INUUSUKOMBEST pillugu paasissutissat:
- Kommuneqarfik Sermersuumi Inuusuttut kommunalbestyrelsianni atuarfiit ilaasortaasut tamarmik ataatsimik ilaasortaatitaqarput, imaappoq inuusuttut 17-it ilaasortaapput 7., 8., imaluunniit 9. klassimi atuartut.
- Inuusuttut kommunalbestyrelsiat inuusuttut pillugit oqaluttarfiuvoq aammalu innersuussutit sisamat erseqqissut inuusuttut pisariaqartitaat kommunimullu isumassarsiaat pillugit ukkataqarfiulluni.
- Ilaasortat ukiuni marlunni ilaasortaasussanngorlugit qinerneqartarput.