Utoqqalinersiuteqalernissannik qinnuteqarsinnaanermik periarfissaq. Innuttaasut 1959-mi inunngornikut E-boksikkut allakkanik nassinneqarput:
Ukioq 2026-mi utoqqalinersianut atatillugu qinnuteqarsinnaanngussaatit, 67-iliilernermi qaammat ataaseq sioqqullugu qinnuteqaasiorsinnaavutit utoqqalinersiuteqalernissannik, nammineerlutit qinnuteqaammik immersuissaatit. Qinnuteqarniaraanni arlalinnik periuusissaqarpoq. MitID atorlugu nittartakkatigut Sullissivik.gl aqqutigalugu qinnuteqaammik immersuisinnaavutit, kisiannili aamma immersugassaq ilanngunneqarsimasoq toqqaannartumik illit najugaqarfinni isumaginninnikkut imaluunniit innuttaasunut sullissivimmut imaluunniit nunaqarfimmi allaffimmut nassiussinnaavat. Aamma immersugassaq ammasarfiup iluani nammineq ornigunnikkut immersorlugulu tunniussinnaavat.
Utoqqalinersiaqarneq pillugu Inatsisartut inatsisaat § 1. Imm. 3 toqqammavigalugu qinnuteqarsinnaavutit utoqqalinersiaqartalernissamut 2026-mi
§ 1. 65-inik ukioqarnernermi utoqqalinersiaqalerfiuvoq, taamaattoq tak. Imm. 2-4.
Imm. 3. 1. januar 2021-imiit utoqqalinersiaqalernermi ukioritinneqartut 67-inut qaffanneqassapput. Taamaattoq kommunalbestyrelsi qinnuteqaateqareernerup kingornagut aalajangiisinnaavoq utoqqalinersiaqalernermik ukiorititaasut aatsaat 1. januar 2025-imi 67-inik ukioqalernermut qaffanneqassasut inuk minnerpaamik ukiuni 35-ini sulerulunnerut kinguneranik imaluunniit tarnikkut nungullarsimappat
Eqqaamallugu uku paasissutissat ilanngunneqassammata qinnuteqaammi:
- Qinnuteqaat atsiornertalik
- Utoqqalinersiat saniatigut isertitassamaatinut paasissutissat (Sisa, Qimatut, PFA, tjenestemændspension)
- Skattekort
- Suli sulisaruit, akissarsiat allagartai kingulliit pingasut
- Suliunnaarnermut uppernarsaat suliunnaarsimaguit
Nassiussamut apeqqutissaqaruit najugaqarfinni kommunivit allaffianut saaffiginninnissannut tikilluaqqusaavutit, aammalu inatsit nalunaarutillu Nalunaarutit.gl-kkut atuarsinnaavatit.