Ukioq manna qinnuteqarnermi siullermi kajumissuseq tunngavigalugu isumaginninnermi sulinermut 70.000 koruunit Suliffeqarnermut Isumaginninnermullu Ingerlatsivimmiit agguataarneqarput. Suliniuteqartut marluk tapiiffigineqarput.
Kajumissuseq tunngavigalugu annertuumik sulineq isumaginninnikkut meeqqanut inersimasunullu atugarliortunut annertuumik pitsaasumik sunniuteqartartoq pillugu Kommuneqarfik Sermersuumiit nuannaarutigineqarpoq. Suliniutit kajumissuseq atorlugu sulerusuttunut isumaginninnikkullu erseqqissumik siunertaqartunut aningaasaliissutinit tapiiffigineqartarput. Kommunimi anguniagaasoq tassaavoq, Kommuneqarfik Sermersooq tamakkerlugu inuuniarnikkut ajornartorsiutinik pinaveersaartitsinermut kajumissuserlu tunngavigalugu sulinerup naleqarnerulersinneqarnissaanut aningaasat iluaqutaanissaat.
Suliniutit tapiiffigineqartut tassaapput:
NANUBØRN 35.000 kr.
Ilaqutariinnut atugarliortunut juulleriartornerani ikiuutisineqarnissaannut sammisaqartinneqarnissaannullu atugassat.
Nuummi juullimut ikiuineq 35.000 kr.
Tapiissutit pingaartumik utoqqarnut, angerlarsimaffeqanngitsunut aamma ilaqutariinnut meerartalinnut juullikkunni ikiuutinik pisariaqartitsisunut tapiissuteqartitsinissamut atugassaapput.
Kommuneqarfik Sermersuup tungaaniit qilanaaralugu malinnaaffigineqassaaq, suliniutini taakkunani marluusuni meeqqanut innuttaasunullu atugarliortunut nuannersumik kissalaamillu juullisiortitsinissat qanoq ingerlassanersut.
Tapiissutinut atugassanut ukiumut marloriarluni qinnuteqartitsisoqartarpoq. 2025-mi tunniussinissamut killiliussat 1. juuni aamma 1. oktobari. Ingerlatsivimmiit peqatigiiffinnut, kattuffinnut namminerlu kajumissuseq tunngavigalugu isumaginninnermut tunngasunik suliniuteqartunut kaammattuutigineqassaaq, qinnuteqaqqullugit.
Paasisaqarnerorusukkuit una tooruk.