Kommuneqarfik Sermersuumit Marie Fleischer vicekommunaldirektøritut atuuffimmini ingerlaqqinnissaa aalajangerneqarpoq. Atorfinitsitsinissamut ataatsimiititaliamit peqqissaarullugu atorfimmi ingerlaannarnissaa toqqarneqarpoq, matumani suliaqarnermi misilittagai, aqutseriaasia aamma aaqqissuussaanikkut ilisimasaqarluarnera qitiutinneqarsimapput.
Piffissap ingerlanerani Marie Fleischer pisortaqatigiinni periusissiaqarluni aqutsinermut ingerlatsiviillu assigiinngitsut akornanni suleqatigiinnermut annertuumik tunniussaqarsimavoq. Kommunimi sulisoqarnermut tunngasuni akisussaasutut inissisimasimavoq – taakkunani ilaallutik aningaasaqarneq, HR, IT aamma digitalinngorsaaneq, pisiniarneq, attaveqaqatigiinneq, suliffeqarfimmi ineriartortitsineq, innuttaasunut kiffartuussivik kiisalu inuussutissarsiornerup iluani ineriartortitsineq. Tunniusimanera kommunip ataavartumik ingerlariusaanut nutarterineranullu aalajangeeqataasuusimavoq.
Kommunaldirektøri Ole Jakobsen oqarpoq:
“Kommuneqarfik Sermersooq pillugu Marie Fleischerilu suleqatigiinnerput ingerlaannarnissaa assut qilanaaraara. Pisortaqatigiinni pingaaruteqartumik inissisimavoq, suliffitsinnilu sammivissiornermik, patajaatsuutitsinermik ineriartortitsinermillu suliaqarnermut pingaarutilimmik atuuffeqarpoq”.
Taamatut aalajangiinikkut pisortaqatigiit sulinerisa ingerlaannarnissaat qulakkeerneqarlunilu kommune innuttaasunut, sulisunut aamma inuiaqatigiinnut nalilinnik suliniutinik ingerlatsinerata ingerlaannarnissaanut piareersimalluinnarpoq.