Henning Mikiki Tasiilami najugalik ikiuutinik nutaanik pisaarpoq, taakkulu ulluinnaanut assorsuaq iluaqutaapput. Henning nissumi aappaanik niuersinnikuuvoq, taannalu ikiuutissaanik ATV-nik Kommuneqarfik Sermersuup Pillorissaasui suleqatigalugit tunineqarpoq.
Henning siusinnerusukkut Sermiligaami najoqarsimagaluarpoq, illuatali najornissaa ajornarnera peqqutigalugu ulluinnai unammillernarsimapput. Henning maanna Tasiilami ilaquttamini najugaqarpoq, ATV-taarneranilu annertunerujussuarmik kiffaanngissusermik angalaarsinnaanermillu tunineqarpoq. Kommuneqarfik Sermersooq aamma Pillorissaasut suleqatigiinneranni aamma nalilersueqqissaarnermit ATV-t aaqqissutissatut tunniunneqarput. Kommuni Henning motoorilinnik angalasinnaanermut allagartamik pissarsinissaanut aamma ikiuussimavoq, taamaasilluni toqqissisimanartumik angalasinnaalersillugu.
“Inuunerma pitsaassusaanut assorujussuaq pitsanngorsaataapput. Nammineerlunga niiverniarsinnaanngorpunga, angallatigalu piareersarsinnaanngorpara taamaasillungalu ilaquttakka angalaaqatigisinnaanngortussaallugit,” Henning qungujorujussuarluni unnersiorpoq.
Kommuneqarfik Sermersuumi Inuit innaluutilinnik sullissisartoq Kristian Pivat aamma siunnersorti Kurt Rokholm Pedersen oqaluttuarput Henningi ATV-taarnera assut malugisimallugu.
“Henning nuannaarnerulerpoq. ATV-nik atorsinnaanerata sapinngisamik nalinginnaanerusumik inuuneqalernissaanut periarfissippaa,” taakku oqarput.