Ukaliusami atuartunut atuartitsivissat nutaat piareersarnerani uggornaraluartumik piffissamik sivisunerusumik pisariaqartitsilluta paasivarput. Taamaattumik ataasinngornermi 29/9-2025 inini nuutaani atualernissaagaluaq kinguartinneqarpoq.
Atuartut angajulliit 8.-10. klassit USK-meersut
Atuartut ataasinngornermi 29/9-25 atuariartussanngillat. Marlunngorneq 30/9-25 atuartut angajulliit atuarnerat AKO Miniklubbimi Qinngutsinniittumi aallarteqqissaaq. Tassanilu eqimattanut marlunnut avillutik atuartartussaapput. Eqimattanut agguarneri atuariartofissaasalu nalunaaqutaat Skoleintrakkut angajoqqaanut nalunaarutigineqareerput.
Atuartut nukarliit 1.-3. klassit USK-meersut
Atuartut nukarliit ataasinngorneq 29/9-25 AKO Illumi aamma AKO Narsarmiutami suli paarineqarallassapput.
Atuartitsinerit inini nutaani marlunngorneq 30/9-25 aallartinneqasssapput. Taakualu imaapput:
- 1. klassit AKO Qajaasani Kangillinnguit Atuarfianniittumi atuartalissapput. Marlunngorneq 30/9 nal. 8.00 Kangillinnguit Atuarfiata haaliani naapissapput.
- 2.-3.klassit atuarfigilissavaat AKO Neriusaaq, FRO Inneruulat aamma klassit marluk Nuussuup Atuarfiani. Marlunngorneq 30/9 nal. 8.00 atuartut Nuussuup Haaliani naapissapput.
- Angajoqqaat ilaat USK-meersunik meerallit nal. 8.00 sioqqullugu AKO-mukartitsisariaqassagunik, AKO Qajaasat aamma AKO Neriusaaq nal. 7.00 aammassapput.
AKO-ni allani atuisut
Atuartut nukarliit 1.-3. klassit Kangillinnguit Atuarfinni Nuussuup Atuarfiani aammalu Hans Lynge Atuarfiani atuartut ataasinngorneq 29/9-25 aallarnerfigalugu namminneq klassiminni AKO-rtalissapput.
Allanguipallattariaqarnerput ajuusaarutigaarput, neriuppugullu paasinnilluarumaartusi. Nutserneq sukkanerpaaq atorlugu ingerlanneqarpoq, naatsorsuutigaarpullu piffissami qaninnerpaami atuartitsineq inini nutaani naliginnaasumik ingerlaleqqikkumaartoq.
Inussiarnersumik Inuulluaqqusilluta
Atuarfeqarnermik Immikkoortortaqarfik
Kommuneqarfik Sermersooq