Kommuneqarfik Sermersuumit kikkulluunniit soqutiginnittut Nuup Ilisarnaatissaanik tamanut ammasumik isumassarsianik unammisitsinermut peqataaqqullugit kajumissaarneqarput.
Nuuk pissanganartumik ineriartorpoq, taamannallu ineriartortoqarnera malunnartinneqassasoq uagut kissaatigaarput, anguniagaraarpullu tassaassalluta illoqarfiit pingaarnersaat nutaaliaasoq, eqqumiitsuliamillu nutaamik ilisarnaateqartoq.
Unammisitsineq kikkunnut tamanut ammavoq, taamaattorli eqqumiitsuliortartunut, ilusilersuisartunut, illussanik titartaasartunut assigisaannullu, matumani inunnut ataasiakkaanut suliassaqarfinnilu assigiinngitsuni suleqatigiissutigiinnut, sammitinneqarneruvoq. Unammisitsinermi atortussaq ulloq 1. septembari 2025 nal. 12.00-imit Kommuneqarfik Sermersuup nittartagaatigut aaneqarsinnaavoq.
Unammisitsineq sassartitaqarluni oqallinnermik sisamanngornermi ulloq 4. septembari 2025 nal. 18.00–20.00 Nuummi Nunatta Atuagaateqarfiani aallartinneqassaaq. Matumani oqallittussat ilisimasaqarluartut Oqaluttuarisaanermi Cand. Mag Ujammiugaq Engell, illussanik titartaasartoq MAA aamma katersugaasivimmi inspektøri Inge Bisgaard kiisalu eqqumiitsuliortoq / assiliartalersuisartoq Ivínguak’ Stork Høegh ilisarnaatip isumaa pillugu oqallinnermut tapersiissapput.
Soqutiginnittut tamarmik oqaloqatigiinnermut peqataassallutik tapersiissallutillu tikilluaqqusaapput.
Linki toorlugu malinnaagit. https://kommuneqarfiga.sermersooq.gl/kl-GL/projects/vartegn-nuuk/2