Nuummi Najukkami Ataatsimiititaliap aamma Kommuneqarfik Sermersuup ukioq manna aasaanerani festivali Aasarpalaaq 2025, Aqqaluup Aneerasaartarfiani arfininngornermi aggustip 23-anni nal. 14:00-20:00-imut ingerlatsinerannut atasumik, innuttaasut kikkulluunniit qaaqquneqarput.
Ullormi Festivalimik ingerlatsiffiusumi nipilersorneq, ujaasisitsineq, pinnguaatit, oqaluttuat aamma meeqqanut inersimasunullu pinngorartitsilluni sammisassat aliikkutaassapput. Aasarpalaaq tassaavoq aaqqissuussineq imigassartorfiunngitsoq aamma akeqanngitsumik peqataaffigineqarsinnaasoq, Nuummi illoqarfiup qeqqani ataatsimooqatigiinnermik, aasaanerani nuannaaqatigiinnermik aamma kalaallit kulturiat qitiutillugu pikialaartitsineq.
– Neriuppugut ilaqutariiaat, inuusuttut utoqqaallu peqatigiillutik ullormi nuannisaqatigiikkumallutik aggiajumaartusi. Tamanut sammisassaqarpoq aamma illoqarfimmi silami aaqqissuussineq taanna immikkuullarissuuvoq, Nuummi Najukkami Ataatsimiitaliamit aamma Kommuneqarfik Sermersuumi Sammisassaqartitsinermut Kulturimullu immikkoortortamit aaqqissuisut oqarput.
Nipilersortut aamma silami misigisassat
Innuttaasut festivalimut qaaqqusat nipilersortartunik assigiinngiiaartunik tusarnaarsinnaapput ilaatigut Rasmus Lyberth, Jorsi Trio aamma Maalia Pippi Langstrømpetut. Taakkua saniatigut ullup ingerlanerani aliikkutassanik sammisassaqassaaq oqaluttuartoqarlunilu – pinnguaqataanissaq periarfissaavoq imaluunniit eqqissiivilluni malinnaarujoortoqarsinnaavoq.
Nerriviit tuniniaavit aamma najukkami tunisassiat
Aqqaluup Aneerasaartarfia tuniniaavippaasuassaaq, tamaani najukkami ingerlatsisut nerisassanik nillertunik, kaaginik, sanalukkanik, eqqumiitsulianik assassorlunilu pinngorartitanik tuniniaassapput. Ullup ingerlanerani imeruersaatinik nillarissunik tamulugassanillu pisisoqarsinnaassaaq.
🙌 Aaqqissuussineq tamanut ammavoq aamma akeqanngilaq
Aasarpalaaq Festival 2025 tamanut ammavoq aamma akeqanngilaq. Aaqqissuussineq imigassartorfiunngilaq, toqqissisimanartuulluni assigiinngisitaartuunermullu inissaqartitsisoqarnera pingaartinneqarput.
Pilersaarut
Scene
14.00 – 15.00
DJ HENRIK HANSEN
15.00 – 15.20
PIITANNGUAQ ALAUFESEN
15.30 – 16.20
MAALIA (PIPPI LANGSTRØMPE)
17.00 – 17.20
PIITANNGUAQ ALAUFESEN
17.45 – 18.45
JORSI TRIO
19.00 – 20.00
RASMUS LYBERTH
20.00
ULLORMUT QUJANAQ
Pisussaq
14.00
Tuniniaaviit ammassapput & erlinnartuutinik ujarlerneq aallartissaaq aamma atuagaateqarfik silami workshoppertitsissaaq skakkertitsissaaq
14.00 – 16.00
Playmakerit
14.30 – 16.30
Tupersuarmi kiinnakkut qalipatsinneq + Camilla Lennert sapangaaqqerisitsissaaq
15.00 – 16.00
Nuannaartorisatit Patrick Frederiksen aamma Najaaja Lyberth Heilmann arsalereqatigikkit
15.00 – 17.00
Peqatigiiffik Qajaq ilinniartitsissapput aamma qeerlutuut tasianni sungiusaallutik
15.30 – 16.00
Maria Kreutzmannip spejderit tupianni oqaluttuussinera (DANSKISUINNAQ)
16.30
Erlinnartuutinik ujarlerneq naggaserlugu makitsineq
17.30
Maria Kreutzmannip spejderit tupianni oqaluttuussinera (DANSKISUINNAQ)
18.00
Maria Kreutzmannip spejderit tupianni oqaluttuussinera (DANSKISUINNAQ) ”NAAMMASSISSAAQ”
19.00
Festivalerfimmi NUIF-ip (Nuummi inuusuttut siuarsartut) qullilersuinera
20.00
ULLORMUT QUJANAQ