Suliffeqarnermut Isumaginninnermullu Ingerlatsivik ukiumoortumik siullermik qinnuteqartitsinermi kajumissutsimik suliaqartunut 131.000 kr.-inik agguaassivoq. Qinnuteqaatinit tigusanit arfinilinnit suliniutit tallimat tapiissutinik tunineqarput.
Kommuneqarfik Sermersuumit kajumissutsimik suliaqarneq annertooq pingaartinneqaqaaq, meeqqanut inersimasunullu inuuniarnikkut atugarliuteqartunut kinguneqarluartumik suliaqartarmata. Suliniutit kajumissutsimik peqataanermik tunngaveqartut aamma inuuniarnikkut atugassarititaasunut erseqqissumik siunertaqartut aningaasaliissutitigut taperneqarput. Ataatsimut isigalugu kommunimit anguniarneqarpoq, aningaasaliissutinik agguaassinermi inuuniarnikkut aamma peqqissutsikkut ajornartorsiutit suliniuteqarfigineqarnerannut tapersersuissalluni aamma kajumissutsimik suliaqarnerit siunertaqarluartit kajumernartullu siuarsarneqarnissaat Kommuneqarfik Sermersuumit tapersersorneqassasoq.
Suliniutit tapiissutinik pissarsisut:
- NSSP – 31.500 kr.
- Sammisanut soorlu ilaasortat tammaarsimanaarnerannut ullaakkorsiornerannullu.
- Sugisaq – 33.500 kr.
- Inunnut tarnimikkut nappaatilinnut aamma innarluuteqartunut qanigisaasut uisakajaalernissamik pinaveersaartitsinerannut pikkorissarneq.
- Sugisaq – 24.000 kr.
- Qanigisaasut supervisionimik qaammatikkuutaartumik ingerlatsiffigineqarnerat.
- Sugisaq – 12.000 kr.
- Inuit tarnimikkut nappaatillit aamma innarluutillit 12-it Qooqqunut angalaarnerat.
- Kangillinnguit Atuarfia – 30.000 kr.
- Ineriartortitsinermut atasumik atuartut Danmarkimut angalanerannut atuartunut aningaasakilliortunut tapiissutit.
Aningaasaliissutit ukiumoortumik katillugit 201.000 koruunik missingersuuteqarput marloriarluni tunniussisoqartarpoq. Qinnuteqartitsinerup tullia oktobarimi 2025 pissaaq. Inuuniarnikkut suliniutinik ingerlatsisut Peqatigiiffiit aamma kajumissutsimik suliallit Ingerlatsivimmit kaammattorneqarput qinnuteqaatinik nassiusseqqullugit.
Sukumiinerusumuk ugguuna paasisaqarit.