Nuummi innuttaasut tamarmik igitassaataat angisuut juulip 28-aniit aggustip arfineq-pingajuata tungaanut adresserisaannut aaneqarsinnaassapput. Kommuni attavigeqqaaginnassavat.
Nuummi innuttaasut tamarmik igitassaataannik angisuunnik aallersinnaanissamut immikkut ittumik iliuuseqarnissaq kommunalbestyrelsep akueraa, eqqagassaleriffiullu aallernissaanut maanna inniminniisoqarsinnaanngorpoq. Eqqaamallugu igitassat angisuut annisinnginneranni aallertoqarnissaanik inniminneereersimassagavit. Ataani paasisaqarnerusinnaavutit.
Eqqaamallugu:
- Kommuni attavigeqqaartuaannassagakku
- Eqqagassat angisuut sapaatit-akunnerisa naanerini aaneqarneq ajorput
- Inuussutissarsiortunit eqqakkat, sanaartornermi eqqakkat imaluunniit eqqakkat navianartut eqqakkanut angisuunut ilaatinneqanngillat. Tamakkua ikuallaaviup eqqaanut Eqqagassalerivimmut toqqaannartumik tunniunneqassapput.
Attavigissavatsigut aatsaat
Igitanut angisuunut biilip igitannik aallernissaa kissaatigigukku, taava Eqqagassaleriffik oqarasuaatikkut 36 74 11 (ullut tamaasa 9-16) imaluunniit mailimut: affald@sermersooq.gl saaffigisinnaavat.
Nalunaaruteqarneq aallernissaq ullunik marlunnik sioqqullugu pissaaq. Eqqagassalerivimmut siusissukkut attaveqaruit aallertoqarnissaanut ulloq kissaatigisat eqquutsikkuminarnerussaaq.
Attavigigutsigut ukua paasissutissiissutigissavatit:
1. Aqqit najukkallu
2. Mobil nr. aamma e-mail
3. Sunik tunniussiniarnerlutit aamma qanoq annertutigissanersut missingerlugit
4. Eqqagassat qaqugu aaneqassaat pillugu eqqagassaleriffik isumaqatigalugu
Igitat aaneqannginnerini isumagisassat:
- Eqqagassat siusinnerpaamik ullup aallerfissap aqagunnerani aqquserngup sinaanut ilineqassapput. Igitat angisuut tikikkuminartumut inissinneqassapput aamma avataaniitunut akornutaanngitsumut. Igitat angisuut najukkamit sorlermeersuuneri erseqqissumik takuneqarsinnaassaaq.
- Igitat angisuut aaneqartussat igitassanut ilanngussassaanngitsunut nigortillugit inissinneqassapput (assersuutigalugu sikkilit, aneerussiviit allallu.)
- Eqqagassat isumannaatsumik poortorneqarsimassapput – ilinnut sulisutsinnullu isumannaallisaaneq eqqarsaatigalugu.
- Aallerneq pissaaq nal. 17.00-ip 20.30-llu akornanni, ulloq aallerfissaq illit aamma Eqqagassaleriviup akornissinni isumaqatigiissutigissavarsi.