Taste of paamiut tassaavoq nerisassiornikkut tunisassiarineqarsinnaasunik pikkorissaaneq. Takornariaqarnikkut nerisassiat, tunisassiarineqarsinnanerinik inuussutissarsiutigineqalersinnaaneranut, aallaavigalugit tunisassioriaatsinik misileraanikkut isumassarsiorfiusoq, ilaatigut paamiuni takornarialerinikkut siuarsaaniarnermi, taste of paamiut, innuttaasunut pikkorissaassutigineqartussatut sapaatip akunnerani innuttaasunut tamanut ammasumik pikkorissartitsinermi peqataaffigilluarneqarpoq.
Kommuneqarfik Sermersooq, Inuussutissarsiornermik immikkoortortaqarfik, Arctic Food By i, Inunnguaq Hegelund suleqatigalugu.
Pikkorissaasuuvoq, Inunnguaq Hegelund.
Sapaatip akunnerani pilersaarutit assigiinngitsut ingerlanneqartussaasuni Gastroturisme qulequtaralugu, innuttaasut madmarkedemi aaqqissuusseqataanissaannut pilersitsiviuvoq, siunissamilu innuttaasut misilittakkatik malillugit, takornarialerinikkut tunisassiorsinnaanissartik pikkorissarfigissagaat siunertaalluni.
Immikkut pikkorissartinneqartut ulloq siulleq tassaapput aalisartut piniartullu tassanilu tunisassianik ineriartortitsineq- taakkualu pisanik naleqarnerulersitsineq aamma gastroturisme qulequtarineqarput. Ullormi aalisartut piniartullu 12-t peqataapput.
Ullut marluk 30. April aamma 2.maj innuttaasunut tamanut tunisassianik ineriartortitsineq, nerisassianillu tuniniaanissamut piareersarnerit ingerlanneqarput, arfininngornermilu 3.maj illoqarfimmi innuttaasunut tamanut ammasumik madmarkedertitsisoqarpoq, Taqqissuup silataatungaani inuppassuarnik ornigarneqarluartumik, ilaatigut nipilersortartut ‘’SIGGARTAAT’’ neriartortunut akunniliisarlutik nipilersortorineqarlutik.
Ulloq kingulleq 5.maj immikkut pikkorissartinneqarput meeqqat inuusuttullu, tassanilu takornariaqanermi suliassat assigiinngitsut pillugit paasissutissiisoqarluni aammalu nerisassiortoqarluni. Meeqqat inuusuttullu pikkorissartinneqarmata peqataasut 25-upput, taamaattumillu iluatsilluartutut nalilerneqarluni.
Foto: Ruuda Poulsen.
