Kommuneqarfik Sermersuumut akiligassat ajornannginnerusumik akilerneqartalernissaannut maanna suleriutsimik eqqussivoq, taamaasilluni innuttaasut akiligassat kommunimit nassiunneqartut ajornannginnerusumik akilersinnaalerpaat.
Akiligassamik e-Boksikkut tigusaqaruit, taava ”Akiligassaq akileruk” tuuginnassavat. Tooreeraanni akiliiffissamut ingerlateqqinneqassaatit, tassani periarfissinneqassaatit kortit imaluunniit MobilePay atorlugu akiliiniarnerlutit – aammattaaq periarfissinneqassaatit akilersuussinermut nalunaarfissaq (PBS) aqqutigalugu akiliisalernissannut.
Akiligassaq allakkatigut pissarsiarigukku, akiligassamik QR-kodeqarumaarpoq, taassumalu akiliiffissamut ingerlateqqissavaatit (qulaani eqqaaneqartoq).
Apeqqutissaqaruit Akiligassaleriffiup attaveqarfiginissaanut tikilluaqqusaavutit oqarasuaatikkut 36 60 70 imaluunniit e-mailikkut debitor@sermersooq.gl .