Matumuuna nalunaarutigineqarpoq kommunalbestyrelsimut ulloq 1. april 2025 qinersinermi qinerseqataasinnaatitaasut allassimaffii taasiartorfissani ataasiakkaani tamani misissugassanngorlugit saqqumitinneqassasut ulluni 6. aamma 7. marts (ullut taakku ilanngullugit).
Qinersisussat allassimaffiat Innuttaasunik Kiffartuussivinni imaluunniit najukkami kommunip allaffiani saqqummiunneqarumaarput.
Kinaluunniit nammineq allalluunniit qinersisussat allassimaffiannut patsiseqanngitsumik ilanngunneqanngitsoorsimasorigunigit imaluunniit ilanngussimasorigunigit allalluni qinersinermik siulersuisunut ataani atsiortunut qinersisussat allassimaffiat naammagittaalliuuteqarfigisinnavaa naammagittaalliuummut pissutigisani naatsumik oqaatigalugu. Naammagittaalliuut qinersinermik siulersuisunut tunniunneqarsimassaaq kingusinnerpaamik qinersisussat allassimaffiata saqqumitinneqarfia ulluinnarnik marlunnik qaangertinnagu.
Kommunimut qinersinissaq pillugu uani paasisaqarnerugit: https://sermersooq.gl/kl/qinersinerit-2025-inatsisartunut-aamma-kommuninut/