Gentofte Kommunemik illoqarfittut ikinngutitut isumaqatigiissuteqarneq taamaatinneqassasoq Kommuneqarfik Sermersuumi kommunalbestyrelsep aalajangerpaa, ilaatigut Tasiilami aamma Gentoftemi meeqqat atuarfianni atuartut paarlaaqatigiittarnissaannik isumaqatigiissut atorunnaarsinneqarluni. Taama aalajangertoqarpoq kommunalbestyrelsep naggataamik ataatsimiinnerani, tassa apriilip aallaqqaataani 2025-mi kommunemut qinersisoqannginnerani.
Borgmester Avaaraq Olsen ima oqarpoq: “Ataqqeqatigiinneq tatigeqatigiinnerlu ikinngutigiinnermi pisariaqarput. Taamaattoqarunnaarsimappat, taava suleqatigiinnermi pisunik nalilersueqqittariaqalerneq pissusissamisoorpoq. Isumaqatigiissut nutarterniarlugu misiliigaluarpugut, sulinermili illua-tungeriit tamarmik pimoorussinissaat pingaaruteqarpoq. Atuartut paarlaaqatigiisinneqartarnerat suli salliutinneqassaaq, taamaammat allaffeqarfik isumaqatigiissutinik nutaanik assingusunik periarfissarsioqquneqarpoq.”