DMI-p naatsorsuutigaa anorersuaq avannaq kangisimmik 25-28 m/s-inik sakkortutigisumik anorlernissaa, anoraasuarsuartut sakkortutigisumik anoraasuarujussuarnertalimmik 33-35 m/s-inik. Anorersuaq tallimanngornermi februaarip 28-anni nal. 11.00 aallartissangatinneqarpoq arfininngornermilu nal. 01.00 sakkukillissangatinneqarluni.
Atuarfik, meeqqerivik kommunillu allaffii matupput.
Piareersaatissat
Ittoqqortoormiini innuttaasut piumaffigineqarput pigisat tingissinnaasut aalajangersornissaat, tassani sanaartornermut atortut, umiatsiat assigisaallu pineqarput
Upalungaarsimasut attaveqarfigikkit
Innuttaasut anorersuup nalaani ikiortariallit kommunimi upalungaarsimasut attaveqarfigisinnaavaat normumut uunga sianerluni: 59 93 07