Apriilip ulluisa aallaqqaataanni Kommunimut qinersinermut aqutsisooqatigiit sinnerlugit, inatsit aamma partiit aamma qinigassanngortittut nalunaarutiginissaannut suliap ingerlanneqarnera pillugu paasissutissiinertalimmik matumuuna innuttaasut soqutiginnittut kikkulluunniit ataatsimiigiaqqusaapput.
Ataatsimiinnermi ass. kommunalbestyrelsimut kikkut qinigaasinnaatitaanersut, partiit aamma qinigassanngortittut nalunaarutiginissaannut suut piumasaqaataanersut saqqummiutissavagut, aamma apeqqutissaqarnissamut periarfissaqassaaq.
Ataatsimiinneq Kommunalbestyrelsip Ataatsimiittarfiani u. 12. Februaari nal. 15.00 pissaaq.
Ulloq 18. februaari nal. 12.00 kommunimut qinersinermi partiit aamma qinigassanngortittut nalunaarutiginissaannut piffissaliussaq eqqaamallugu. Piffissaliussaq nallertinnagu kukkunerit amigaatillu pisimappata iluarsineqarniassammata, piffissaliussaq sioqqullugu piffissaalluartillugu nalunaaruteqarneq pissasoq sakkortunerpaamik innersuussutigissavarput.
Tamatuma saniatigut qinigassanngortittunut allaffissiat piffissaliunneqarneri assigiinngitsuutillugit ulloq taanna nunaqarfinnut aqutsisunut aamma ilagiit sinniisaannut qinersisoqassaaq.
Qinersiviit, qinigassanngortittunut nalunaaruteqarnerit malittarisassallu pillugit paasissutissat annertunerusut kommunip nittartagaani takuneqarsinnaapput: https://sermersooq.gl/kl/kommunimut-qinersineq-2025/