DMI-p naatsorsuutigaa anorersuaq kangisimmik 25-27 m/s-inik sakkortutigisumik anorlernissaa, anoraasuarsuartut sakkortutigisumik anoraasuarujussuarnertalimmik 33-35 m/s-inik. Neqqajaaq pingasunngornermi januaarip 22-at aqqarngani nal. 04.00 aallartissangatinneqarpoq ualikkut nal. 16.00 sakkukillissangatinneqarluni.
Neqqajaarnissaa peqqutigalugu kommune aalajangerpoq, atuarfik, meeqqeriviit, sunngiffinni ornittakkat kommunillu allaffii matoqqassasut.
Piareersaatissat
Tasiilami innuttaasut piumaffigineqarput pigisat tingissinnaasut aalajangersornissaat, tassani sanaartornermut atortut, umiatsiat assigisaallu pineqarput kiisalu anorersuarnerani ajoqusertoqaratarsinnaanera pinaveersaartinniarlugu illumiiginnarnissaaq kaammattuutigineqarpoq.
Upalungaarsimasut attaveqarfigikkit
Innuttaasut anorersuup nalaani ikiortariallit kommunimi upalungaarsimasut attaveqarfigisinnaavaat normunut ukununnga sianerluni: 113 aamma 36 77 89.