Aqquserngup sinaani biilinik inissiisarneq (parkering) inerteqqutaavoq, tamannali allanngortinneqarpoq, biilinik unittoqaqqusaajunnarpoq – aamma unillatsiarnerit (standsningsforbud). Taamaalilluni mittarfiup eqqaani aqqusinermi aammalu aqqusineeqqami niusinerit, ikisinerit aammalu biilinik inissiinerit inerteqqutaalerput.
Kommuneqafik Sermersooq politiit mittarfeqarfillu suleqatigiillutik unittarnermik inerteqquteqalerput, mittarfimmi aallariartortarfimmiit meterit 120-t iluani.
Biilit aqquserngup sinaani uninngasut ajornartorsiutaasimapput.
Biilinik inissiisarnermik inerteqquteqarallarmat periarfissaasimagaluarpoq aallariartortunik nassatanillu sivisunerpaamik minutsit pingasut iluanni niusisinnaaneq aammalu ikisisinnaaneq. Tamanna eqquutsinnissaa pisinnaasimanngilaq, taamaattumillu aqquserngup sinaani, aallariartortarfimmiit meterit 120-t iluanni unittarneq inerteqqutaalerpoq (standsningsforbud).
Tamanna Færdselsstyrelsemiit piumasaqaataavoq.
