Kommuneqarfik Sermersuumi ulloq 1. apriili 2025 kommunimut qinersisoqassaaq. Qinersiviit nal. 9.00 ammarneqassapput nal. 20.00 matuneqarlutik. Kommunalbestyrelsimut ilaasortat 19-it qinerneqassapput.
Kommunimut qinersisinnaassaguit qinersinissamut pisinnaatitaallutillu qinersinermut allattorsimaffimmi allassimassaatit. Qinersisinnaatitaaneq pisinnaavoq, ullormi qinersiviusumi 18-inik ukioqalereersimaguit aammalu najugaqarnermut tunngasut malillugit piumasaqaatinut naammassinnikkuit. Kalaallit Nunaata avataani najugaqaruit taasisinnaatitaassaatit, piumasaqaatit aalajangersimasut naammassisimagukkit.
Kommunimut qinigassanngortittut nalunaarutigineqassapput kingusinnerpaamik februaarip ulluisa 18-anni 2025 nal. 12.00. Taakku saniatigut nunaqarfinnut aqutsisunut ilagiillu sinniisaannut aamma 1. apriili 2025 qinersisoqassaaq, qinigassanngortittussat nalunaarnissaanut piffissaliunneqartut assigiinngillat.
Qinersiviit, qinigassanngortitsineq maleruagassallu pillugit paasissutissat sukumiinerusut kommunip nittartagaani uani nassaarineqarsinnaapput.