Sapaatip akunnera inuit pisinnaatitaaffii ukkanneqareersut Tamat Festivaliat naammassivoq. Festivali, Kalaallit Nunaanni angalasimasoq, innuttaasunit assigiinngitsunik ukiulinnit peqataaffigineqartunik Nuummi Tasiilamilu assigiinngitsunik sammisassaqartitsinermik naggaserneqarpoq.
Festivali inuit pisinnaatitaaffii aallaavigalugit nipilersorneq, qitinneq, filmerneq oqaloqatigiinnerlu aqqutigalugit nuna tamakkerlugu innuttaasunut katersuuffiuvoq. Nuummi Tamat Festivalianut 800-init amerlanerusut peqataapput. Inuit pisinnaatitaaffii pillugit festivali assigiinngitsunik sammisaqartitsinermik naggaserneqarput, tassani immikkoortinneqartussaannginnermut pisinnaatitaaffeqarneq, nammineq timimut pisinnaatitaaffeqarneq nammineq kultureqarnissamut kinaassuseqarnissamullu pisinnaatitaaffeqarneq ukkanneqarput. Angajo Lennert Sandgreen aamma Hinnarittut ilisimaneqartoq festivali naggaserlugu inuit pisinnaatitaaffii pillugit Tamat Festivalianut erinarsuusiaminik erinarsormat inuit 60-init amerlanerusut qitipput. Tasiilami aamma festivali tapersersorneqarluarpoq. Tassanittaaq workshoppertitsisoqarpoq filminillu takutitsisoqarluni tamanna inuit pisinnaatitaaffiinik innuttaasunut qaninnerulersitsivoq.
Kommuneqarfik Sermersuumi borgmesteri Avaaraq Olsen, oqarpoq: “Inuit pisinnaatitaaffii inuiaqatigiinni naapertuilluartoqarneranut peqataatitsisoqarneranullu tunngaviliisuupput. “Najukkani Tasiilami Nuummilu festivalip tapersersorneratigut, ataatsimoorluta naligiiffiusumik ataatsimoorfimmik pilersitsinissap pingaaruteqarnerinut eqqaasitsissutiginissaa kissaatigaarput. Festivali innuttaasut aalajangiisartullu kikkut tamarmik naligiimmik pisinnaatitaaffeqarnissaannik naleqartinneqarnissaannillu sulineranni isumassarsitinnissaannut peqataatinnissaannullu periarfissaavoq immikkuullarissoq.”
Festivali Inuit Pisinnaatitaaffiinut Kalaallit Nunaata Siunnersuisoqatigiivisa (IPS), Inuttut Pisinnaatitaaffinnut Instituttip, najukkamik eqqumiitsuliortut, peqatigiiffinnik arlalinnik kommuninillu assigiinngitsut – matumani ilanngullugu Kommuneqarfik Sermersuup akornanni siammasissumik suleqatigiiffiuvoq. Festivalimik naggasiineq Kalaallit Nunaanni inuit pisinnaatitaaffiinik iluatsittumik nalliuttorsiutiginninnermik malunnartitsiffiuvoq.
Festivali sapaammi 10. novembari Nuummi Inussivimmi qitinnermik workshoppertitsinermik naggasiinermillu borgmesterip Avaaraq Olsenip takkuttunut oqalugiarneratigut naggaserneqarpoq. Oqalugiarnermi inuit pisinnaatitaaffiisa pitsanngorsartuarnissaasa aamma innuttaasut tamarmik qanorluunniit tunuliaquteqartut takuneqartutut, tusaaneqartutut ataqqineqartutut misigiffigisaannik peqataatitsiffiusunik ataatsimoorfinnik pilersitsinissap pingaaruteqarnera ersarissarneqarpoq.
NuQi Dance, Hinnarik, Nunatta Katersugaasivia aamma Kommuneqarfik Sermersooq qanimut suleqateqatiginerisigut festivalimik aaqqissuussisimasunut Inuttut Pisinnaatitaaffinnut Instituttimut, Inuit Pisinnaatitaaffiinut Kalaallit Nunaata Siunnersuisoqatigiivinut qujanarujussuaq.
Inuit pisinnaatitaaffii pillugit festivalimit assit takukkit:
